استانا قالاسىندا ۇيىمداسقان قىلمىستىق توپتىڭ جەتەكشىلەرى مەن مۇشەلەرى ۇستالدى، دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
ولار بيىلعى جىلدىڭ ءساۋىر ايىندا ەلورداداعى تۇنگى كلۋبتاردىڭ بىرىندە بولعان كريمينالدىق جانجال بويىنشا كۇدىكتەلىپ وتىر. سونىڭ سالدارىنان ەكى ادام اتىس قارۋىنان جاراقات العان بولاتىن.
«سونىمەن بىرگە فيگۋرانتتار اسا ءىرى مولشەردە الاياقتىق جاساعان دەپ كۇدىكتەلۋدە. قولعا تۇسكەندەر قامقورلىق كورسەتۋگە جانە اقمولا وبلىسىنىڭ بيزنەسمەندەرىنىڭ اراسىنداعى مۇلىكتىك داۋدى شەشۋگە ۋادە بەرگەن، تولەم رەتىندە ءوڭىر اۋماعىنداعى سوماسى 150 ملن تەڭگە ەكى ءۇي مەن ەكى كوتتەدجدى ءوز تۋىسقاندارىنىڭ اتىنا رەسىمدەۋگە كوندىرگەن»،—دەلىنگەن حابارلامادا.
ۇستالعاندار ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلۋدە جانە ولاردىڭ باسقا قىلمىستارعا قاتىستىلىعى تەكسەرىلىپ جاتىر.
<
