ۇلىتاۋداعى «قازاقمىس» كەنىشىنەن ەر ادامنىڭ ءمايىتى تابىلدى. بۇل تۋرالى وبلىستىق پد-نىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
ۆەدومستۆونىڭ مالىمدەۋىنشە، پىشاق جاراقاتىنان كوز جۇمعان ەر ادامنىڭ ءمايىتى «قازاقمىس» كورپوراتسياسىنا تيەسىلى «جومارت» كەنىشىنەن تابىلدى. كوز جۇمعان ازامات وسكەمەننەن ءىس-ساپارعا جىبەرىلگەن وماروۆ اتىنداعى شاحتا ۇڭگىلەۋ ترەستىنىڭ قىزمەتكەرى بولعان. «جومارت» كەنىشى جەزقازعاننان 300 كم قاشىقتىقتا ورنالاسقان.
«17 قاراشادا قازاقمىس كورپوراتسياسىنىڭ اۋماعىندا زورلىق-زومبىلىق بەلگىلەرى بار 40 جاستاعى ەر ادامنىڭ ءمايىتى تابىلدى. بۇل فاكت قر قك «كىسى ءولتىرۋ» 99-بابى 1-بولىگى بويىنشا سدتبت-دا تىركەلگەن. قازىرگى تاڭدا پوليتسيا قىزمەتكەرلەرى كۇدىكتى ادامداردى انىقتاۋ جانە ۇستاۋ ماقساتىندا جەدەل-ىزدەستىرۋ ءىس-شارالارىن جۇرگىزىپ، وقيعانىڭ ءمان-جايىن انىقتاۋدا»، - دەلىنگەن حابارلامادا.
