پارلامەنت ءماجىلىسىنىڭ دەپۋتاتى قازىبەك يسا رەانيماتسياعا ءتۇستى. بۇل تۋرالى اقىن ازامات تاسقاراۇلى ايتتى، دەپ حابارلايدى «ادىرنا» ءتىلشىسى.
«قازىبەك كوكەم رەانيماتسياعا ءتۇستى. ەرتەڭ جۇرەگىن شۋنتتايدى. كوپ تىلەگى قابىل بولىپ، ءدۇر سىلكىنىپ شاۋىپ كەتەرىڭىز انىق! اللا جار بولسىن! بيىل شىلدە ايىندا سەكسەنىڭ سەڭگىرىنە شىققان مۇحتار شاحانوۆ كوكەمىزدىڭ تويىندا: «بيلىك شاحانوۆتىڭ ءومىرىن ۇزاتۋ ءۇشىن بار كۇشىن سالۋدا» ،— دەپ ەدىڭىز. مەملەكەتتىك ءتىل ماسەلەسى شەشىلمەي، ءسىزدىڭ دە توسىلار، توقتار قاقىڭىز جوق! بۇل جۇرەكتىڭ ءتىل مەن ۇلتى ءۇشىن قانداي وراسان زور قىسىم مەن كۇرەستىڭ ورتاسىندا سىزداعانىن ءبىز جاقسى بىلەمىز عوي... سىزگە وتا جاسايتىن دارىگەرلەر دە ءبىر اقىننىڭ تاعدىرى ءۇشىن عانا ەمەس، بۇكىل ەلدىڭ تاعدىرى، ياعني، مەملەكەتتىك ءتىلدىڭ تاعدىرى ءۇشىن كۇرەسەدى! الدا ءالى تالاي شايقاسىمىز بار، كوكە!»—دەدى ول.
