پاسپورت تسيفرلىق فورماتقا اۋىستىرىلدى - باعدات مۋسين

1670
Adyrna.kz Telegram

پاسپورت تسيفرلىق فورماتقا اۋىستىرىلدى. بۇل تۋرالى قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ءوزىنىڭ تەلەگرام-ارناسىندا حابارلادى، دەپ جازادى "ادىرنا" ۇلتتىق پورتالى. 

"بۇگىنگى تاڭدا قاجەتتى قۇجاتىڭىزدىڭ تۇپنۇسقاسى بولماعان كەزدە سمارتفون ارقىلى ساندىق قۇجاتتى پايدالانۋ وتە ىڭعايلى. تسيفرلىق كۋالىكتى قولدانۋ تيىمدىلىگىن كورسەتكەن سوڭ، ءبىز پاسپورتتى دا تسيفرلىق فورماتقا اۋدارۋدى شەشتىك. ەندى تسيفرلىق پاسپورت eGov Mobile ءموبيلدى قوسىمشاسىندا قول جەتىمدى. ازىرگە تسيفرلىق پاسپورتتى جەكە باسىن سايكەستەندىرۋ ءۇشىن قازاقستان اۋماعىندا عانا پايدالانۋعا بولادى. مۇنداي قاجەتتىلىك، مىسالى، كۋالىكتىڭ جوعالۋى نەمەسە ونىڭ جارامدىلىق مەرزىمى اياقتالعان جاعدايدا تۋىنداۋى مۇمكىن. ەستەرىڭىزگە سالا كەتەيىن، بۇگىنگى كۇنى پاسپورتتان باسقا ەڭ كوپ سۇرانىسقا يە 18 قۇجات تسيفرلىق فورماتقا كوشىرىلدى – بۇل جەكە كۋالىك، جۇرگىزۋشى كۋالىگى، پتر-تەستتەر، تۋ جانە نەكە تۋرالى كۋالىك جانە ت. ب.", - دەپ جازدى مينيستر. 

"ادىرنا" ۇلتتىق پورتالى

پىكىرلەر