بۇرىنعى دەنساۋلىق ساقتاۋ ءمينيسترى الەكسەي تسوي قر پرەزيدەنتى ءىس باسقارماسى مەديتسينالىق ورتالىعىنىڭ باسشىسى بولىپ تاعايىندالدى، دەپ جازادى "ادىرنا" ۇلتتىق پورتالى.
الەكسەي تسوي مەديتسينا مەن باسقارۋ سالاسىندا جوعارى كلاستى كاسىپقوي تۇلعا. مەديتسينالىق جانە زاڭگەر ماماندىعىن العان، ىسكەري اكىمشىلەندىرۋ دوكتورى، مەديتسينا عىلىمدارىنىڭ كانديداتى.
Sels College (لوندون) تامامداعان، قازاقستان مەملەكەتتىك مەديتسينالىق اكادەمياسىنىڭ اسپيرانتۋراسىن، وڭتۇستىك-قازاقستان مەملەكەتتىك مەديتسينالىق اكادەمياسىن، «دانەكەر» حالىقارالىق قۇقىق جانە حالىقارالىق بيزنەس ينستيتۋتىن، رەسەي اۋىل شارۋاشىلىق جانە رەسەي فەدەراتسياسى پرەزيدەنتىنىڭ جانىنداعى مەملەكەتتىك قىزمەت اكادەمياسىنىڭ كورپوراتيۆتى باسقارۋ جوعارى مەكتەبىن پەن حالىقارالىق بيزنەس اكادەمياسىن بىتىرگەن.
ەڭبەك جولىن حيرۋرگ-ەندوسكوپيست بولىپ باستاعان.
2007-2010 جىلدار ارالىعىندا قر پرەزيدەنتى ءىس باسقارماسىنىڭ قازىرگى زامانعى مەديتسينالىق تەحنولوگيالار ورتالىعىن باسقاردى.
2010-2011 جىلدار ارالىعىندا «قر پرەزيدەنتى ءىس باسقارماسىنىڭ مەديتسينالىق ورتالىعى» مم باستىعى بولدى.
2011-2014 جىلدار ارالىعىندا – استانا قالاسىنىڭ №1 قالالىق اۋرۋحاناسىنىڭ باس دارىگەرى.
2014 جىلدان – قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى.
"ادىرنا" ۇلتتىق پورتالى
