Memleket basshysy Qasym-Jomart Toqaev Joldaýda: «Elimizdiń basty qundylyǵy – adam. Bul – aıqyn nárse. Sondyqtan, ulttyq baılyqty teń bólý jáne barshaǵa birdeı múmkindik berý – reformanyń basty maqsaty. Ult saýlyǵy jaqsy bolsa ǵana, qoǵam ornyqty damıdy»,-dep aıtqan bolatyn. Prezıdenttiń bul málimdemesi óńirlerdegi medıınanyń jaıyn jaqsartýǵa ózdindik yqpalyn berýde, bul qatarda Almaty qalasy da bar, dep habarlady «Adyrna» portaly.
Qala ákimdigi 2 jańa emhana jáne 1 otbasy-dárigerlik ambýlatorııa salýdy josparlap otyr. Bul týraly Almaty ákimi Erbolat Dosaev Naýryzbaı aýdany turǵyndarymen kezdesýinde málimdemesi.
"Aýdanda, ásirese joǵarǵy bóliginde emhanalardyń jetispeý máselesi ózekti bolyp tur. Aýdan halqynyń jyl saıyn 10-12 myń adamǵa ósetinin eskere otyryp, qala ákimdigi 2 jańa emhana jáne 1 otbasy-dárigerlik ambýlatorııa salýdy josparlap otyr", - dedi megapolıs basshysy.
Búgingi kúni Quramys shaǵynaýdanynda 500 kelýshige arnalǵan emhananyń jobalaý-smetalyq qujattamasy ázirlendi. 2023 jyldyń qańtarynda memlekettik saraptamanyń oń qorytyndysyn alý, 2023 jyldyń II-toqsanynda qurylys-montajdaý jumystaryn bastaý josparlanǵan.
Shuǵyla shaǵynaýdanynda 500 kelýshige arnalǵan jańa emhana salý úshin jer ýchaskesin resimdeý jáne jobalaý-smetalyq qujattamany ázirleýge konkýrs jarııalaý úshin qujattama daıyndalyp jatyr.
"Sondaı-aq, osy jyldyń sońyna deıin Aqjar shaǵynaýdanynda 200 kelýshige arnalǵan 1 dárigerlik ambýlatorııanyń jobalaý-smetalyq qujattamasyn ázirleý aıaqtalady, qazirgi ýaqytta ol memlekettik saraptamanyń qaraýynda. Qurylysty memlekettik saraptamanyń oń qorytyndysyn alyp, konkýrstyq proedýralardy ótkizgennen keıin 2023 jyldyń II-toqsanynda bastaý josparlanǵan", - dep málimdedi ákim.
