مەملەكەت باسشىسى قاسىم-جومارت توقاەۆتىڭ جارلىعىمەن بەكىتىلگەن حالىقپەن كەزدەسۋدىڭ جاڭا فورماتىنا سايكەس، جىل سوڭىنا دەيىن الماتى قالاسىنىڭ اكىمى ەربولات دوساەۆ حالىقپەن 24 كەزدەسۋ وتكىزەدى، دەپ حابارلايدى «ادىرنا» ءتىلشىسى.
پرەزيدەنت جارلىعىنىڭ شەڭبەرىندە شاھار باسشىسى 8 اۋداننىڭ ارقايسىسىنىڭ تۇرعىندارىمەن توقسانىنا ءبىر كەزدەسۋ وتكىزۋى ءتيىس. وسىنىڭ اياسىندا ەربولات دوساەۆتىڭ حالىقپەن كەزدەسۋى ناۋرىزباي اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 350-دەن استام ادام كەلدى.
اۋداندا ساپالى اۋىز سۋمەن قامتاماسىز ەتۋ وزەكتى ماسەلە بولىپ قالا بەرەدى. ونى شەشۋ ءۇشىن قازىرگى ۋاقىتتا 2 سۋ قويماسىنىڭ 104,2 كم ينجەنەرلىك جەلىلەردىڭ قۇرىلىسى بەلسەندى جۇرگىزىلۋدە، سونداي-اق سورعى ستانتسيالارى بار قوسىمشا ماگيسترالدىق سۋ قۇبىرىن جوبالاۋ باستالدى. قارعالى سۋ قويماسى بويىنشا جۇمىستار 92%-عا اياقتالدى، پايدالانۋعا بەرۋ كەلەسى جىلدىڭ ماۋسىم ايىنا جوسپارلانۋدا. اقساي ستانتسياسىنىڭ جوباسى بويىنشا بۇگىندە جەر جۇمىستارى جۇرگىزىلۋدە، نىساندى تاپسىرۋ 2025 جىلدىڭ ءۇشىنشى توقسانىنا جوسپارلانعان.
اۋداندى تۇراقتى ەلەكترمەن قامتاماسىز ەتۋ ءۇشىن 79 ترانسفورماتورلى قوسالقى ستانتسيا جوندەلىپ، 3,8 كم ەلەكتر جەلىلەرى قايتا جاڭارتىلدى. سونداي-اق، اۋداندا 48 كوشەدە سىرتقى جارىقتاندىرۋ جۇرگىزىلدى. 2023 جىلى تاعى 59 كوشەدە جارىقتاندىرۋ ماسەلەسىن شەشۋ جوسپارلانعان.
اۋداندا جول ينفراقۇرىلىمى مەن قوعامدىق كولىكتى دامىتۋ ماسەلەسى بويىنشا ۇزىندىعى 23 كم بولاتىن 30 كوشەنىڭ ورتاشا جوندەۋ جۇمىستارى اياقتالدى، 2022 جىلدىڭ قاراشا ايىنىڭ سوڭىنا دەيىن ۇزىندىعى 7 كم 8 كوشە جوندەلەدى. سونداي-اق جىل باسىنان بەرى اقجار شاعىن اۋدانىندا ۇزىندىعى 6,7 كم بولاتىن 19 جاڭا كوشەگە اسفالت توسەلدى.
وقۋشى ورىندارىنىڭ تاپشىلىعىن تومەندەتۋ ءۇشىن 2022 جىلدىڭ 1 قىركۇيەگىنە قاراي قالقامان شاعىن اۋدانىندا 1800 ورىندىق 2 مەكتەپ جانە قارعالى شاعىن اۋدانىندا 600 ورىندىق جەكە مەكتەپ اشىلدى. جىل سوڭىنا دەيىن قالقامان ش/ا-دا 1500 ورىندىق تاعى 2 مەكتەپ جانە «الما سيتي-5» تك اۋماعىندا 1200 ورىنعا ارنالعان مەكتەپ پايدالانۋعا بەرىلەدى.
مەكتەپكە دەيىنگى ۇيىمداردا ورىن تاپشىلىعىن قىسقارتۋ ماقساتىندا جىل باسىنان بەرى 700 ورىندىق 12 جەكەمەنشىك بالاباقشا اشىلدى. شۇعىلا شاعىن اۋدانىندا 2023 جىلدىڭ شىلدەسىندە اياقتالۋى ءتيىس 320 ورىندىق جاڭا بالاباقشا سالىنۋدا. سونىمەن قاتار، 3 بالاباقشا بويىنشا جسق ازىرلەنۋدە: قۇرامىس شاعىن اۋدانىندا 320 ورىندى، شۇعىلا شاعىن اۋدانىندا 320 ورىندى جانە قالقامان شاعىن اۋدانىندا 240 ورىندى.
مەديتسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن 500 ادامدى قابىلدايتىن 2 جاڭا ەمحانا جانە 1 وتباسىلىق-دارىگەرلىك امبۋلاتوريا (200 ادام) سالۋ جوسپارلانۋدا. قۇرىلىس-مونتاج جۇمىستارى 2023 جىلعا جوسپارلانعان.
اۋداندا قاتتى جاۋىن-شاشىن كەزىندە سۋ باسۋ ماسەلەسى وزەكتى بولىپ قالا بەرەدى.تج جەلىسى بويىنشا 6 ۋچاسكەنى جويۋ جۇمىستارى جۇرگىزىلۋدە. 4 ۋچاسكە بويىنشا جۇمىستار اياقتالدى. ويجايلاۋ وزەنىنىڭ ۇزىندىعى 1,1 كم ارناسى نىعايتىلدى، تولەبەكوۆ، تالجانوۆ، جادىر (800 م) 3 كوشەسى بويىنشا ارىق جەلىلەرى سالىندى. اعىمداعى جىلدىڭ قاراشا ايىنىڭ سوڭىنا دەيىن رايىمبەك داڭعىلى بويىنشا «نۇرلى دالا» تك-دە ۇزىندىعى 1,4 كم اقساي وزەنىنىڭ ارناسىنا دەيىن جانە سابدەنوۆ كوشەسىندەگى ارىق جەلىسىن اباتتاندىرۋ اياقتالادى
سونداي-اق، قالا اكىمى ەربولات دوساەۆ «حالىق قاتىساتىن بيۋدجەت» باعدارلاماسىنىڭ ىسكە اسىرىلۋ بارىسى تۋرالى حاباردار ەتتى. بيىل اۋداندا 47 جوبا جۇزەگە اسىرىلدى. اقجار شاعىن اۋدانىندا (3 گا) جانە قالقامان ش/ا (2,5 گا), قوناەۆ كوشەسى بويىنداعى ۇزىندىعى 1,2 كم جاياۋ جۇرگىنشىلەر ايماعى، مەيرام ش/ا جاياۋ جۇرگىنشىلەر ايماعى. مەيرام جانە ت.ب. اباتتاندىرىلدى. قوعامدىق كەڭىستىكتەردىڭ 21 ۋچاسكەسى (سكۆەرلەر، بالالار الاڭدارى، اۋلالار) جانە جول ينفراقۇرىلىمى بويىنشا 26 جوبا دا اباتتاندىرىلدى.
الماتى اكىمىمەن كەزدەسۋ بارىسىندا تۇرعىندار جولداردى جوندەۋ، كارىز جانە ەلەكتر جەلىلەرىن اباتتاندىرۋ جانە ت. ب. ماسەلەلەردى كوتەردى.
