Prezident jarlyǧy: Almaty äkımı Nauryzbai audany halqymen kezdesuınde qandai mäseleler talqylady

Memleket basşysy Qasym-Jomart Toqaevtyŋ Jarlyǧymen bekıtılgen halyqpen kezdesudıŋ jaŋa formatyna säikes, jyl soŋyna deiın  Almaty qalasynyŋ äkımı Erbolat Dosaev halyqpen 24 kezdesu ötkızedı, dep habarlaidy «Adyrna» tılşısı.   Prezident jarlyǧynyŋ şeŋberınde şahar basşysy  8 audannyŋ ärqaisysynyŋ tūrǧyndarymen toqsanyna bır kezdesu ötkızuı tiıs. Osynyŋ aiasynda Erbolat Dosaevtyŋ halyqpen kezdesuı Nauryzbai audanynda öttı. Qala basşysy audannyŋ damuy jäne tūrǧyndardan tüsken ūsynystar boiynşa atqarylǧan jūmystar turaly aityp berdı. Kezdesuge 350-den astam adam keldı. Audanda sapaly auyz sumen qamtamasyz etu  özektı mäsele bolyp qala beredı. Ony şeşu üşın qazırgı uaqytta 2 su qoimasynyŋ 104,2 km injenerlık jelılerdıŋ qūrylysy belsendı jürgızılude, sondai-aq sorǧy stansiialary bar qosymşa magistraldyq su qūbyryn jobalau bastaldy. Qarǧaly su qoimasy boiynşa jūmystar 92%-ǧa aiaqtaldy, paidalanuǧa beru kelesı jyldyŋ mausym aiyna josparlanuda. Aqsai stansiiasynyŋ jobasy boiynşa bügınde jer jūmystary jürgızılude, nysandy tapsyru 2025 jyldyŋ üşınşı toqsanyna josparlanǧan. Audandy tūraqty elektrmen qamtamasyz etu üşın 79 transformatorly qosalqy stansiia jöndelıp, 3,8 km elektr jelılerı qaita jaŋartyldy. Sondai-aq, audanda 48 köşede syrtqy jaryqtandyru jürgızıldı. 2023 jyly taǧy 59 köşede jaryqtandyru mäselesın şeşu josparlanǧan. Audanda jol infraqūrylymy men qoǧamdyq kölıktı damytu mäselesı boiynşa ūzyndyǧy 23 km bolatyn 30 köşenıŋ ortaşa jöndeu jūmystary aiaqtaldy, 2022 jyldyŋ qaraşa aiynyŋ soŋyna deiın ūzyndyǧy 7 km 8 köşe jöndeledı. Sondai-aq jyl basynan berı Aqjar şaǧyn audanynda ūzyndyǧy 6,7 km bolatyn 19 jaŋa köşege asfalt töseldı. Oquşy oryndarynyŋ tapşylyǧyn tömendetu üşın 2022 jyldyŋ 1 qyrküiegıne qarai  Qalqaman  şaǧyn audanynda 1800 oryndyq 2 mektep jäne Qarǧaly  şaǧyn audanynda 600 oryndyq jeke  mektep aşyldy. Jyl soŋyna deiın  Qalqaman  ş/a-da 1500 oryndyq taǧy 2 mektep  jäne «Alma Siti-5» TK aumaǧynda 1200 orynǧa arnalǧan mektep paidalanuǧa berıledı. Mektepke deiıngı ūiymdarda oryn tapşylyǧyn qysqartu maqsatynda jyl basynan berı 700 oryndyq 12 jekemenşık balabaqşa aşyldy.  Şūǧyla  şaǧyn audanynda 2023 jyldyŋ şıldesınde aiaqtaluy tiıs 320 oryndyq jaŋa balabaqşa salynuda. Sonymen qatar, 3 balabaqşa boiynşa JSQ äzırlenude:  Qūramys  şaǧyn audanynda 320 oryndy, Şūǧyla şaǧyn audanynda 320 oryndy jäne Qalqaman şaǧyn audanynda 240 oryndy. Medisinalyq qyzmet körsetudıŋ qadamdyq qoljetımdılıgın qamtamasyz etu üşın 500 adamdy qabyldaityn 2 jaŋa emhana jäne 1 otbasylyq-därıgerlık ambulatoriia (200 adam) salu josparlanuda. Qūrylys-montaj jūmystary 2023 jylǧa josparlanǧan. Audanda qatty jauyn-şaşyn kezınde su basu mäselesı özektı bolyp qala beredı.TJ jelısı boiynşa 6 uchaskenı joiu jūmystary jürgızılude. 4 uchaske boiynşa jūmystar aiaqtaldy. Oijailau özenınıŋ ūzyndyǧy 1,1 km arnasy nyǧaityldy, Tölebekov, Taljanov, Jadyr (800 m) 3 köşesı boiynşa aryq jelılerı salyndy. Aǧymdaǧy jyldyŋ qaraşa aiynyŋ soŋyna deiın Raiymbek daŋǧyly boiynşa «Nūrly Dala» TK-de ūzyndyǧy 1,4 km Aqsai özenınıŋ arnasyna deiın jäne Sabdenov köşesındegı aryq jelısın abattandyru aiaqtalady Sondai-aq, qala äkımı Erbolat Dosaev «Halyq qatysatyn biudjet» baǧdarlamasynyŋ ıske asyrylu barysy turaly habardar ettı. Biyl audanda 47 joba jüzege asyryldy. Aqjar şaǧyn audanynda  (3 ga) jäne Qalqaman  ş/a (2,5 ga), Qonaev köşesı boiyndaǧy ūzyndyǧy 1,2 km jaiau jürgınşıler aimaǧy,  Meiram ş/a jaiau jürgınşıler aimaǧy. Meiram jäne t.b. abattandyryldy. Qoǧamdyq keŋıstıkterdıŋ 21 uchaskesı (skverler, balalar alaŋdary, aulalar) jäne jol infraqūrylymy boiynşa 26 joba da  abattandyryldy. Almaty äkımımen kezdesu barysynda tūrǧyndar joldardy jöndeu, kärız jäne elektr jelılerın abattandyru jäne t. b. mäselelerdı köterdı.