مەملەكەت باسشىسى قاسىم-جومارت توقاەۆ ءوزىنىڭ حالىققا جولداۋىندا: « "حالىق قاتىساتىن بيۋدجەت» جوباسى ءتيىمدى ىسكە اسىرىلىپ جاتىر. ونىڭ اۋقىمىن كەڭەيتىپ، جوباعا اۋداندىق ماڭىزى بار قالالار مەن اۋىلداردى تارتۋ كەرەك» دەگەن بولاتىن،- دەپ جازدى "ادىرنا" ءتىلشىسى.
بۇگىنگى كۇنى الماتى قالاسىندا اتالعان جوبا شەڭبەرىندە باعدارلاما اياسىندا 1,8 ملرد. تەڭگە سوماسىنا 47 جوبا ورىندالدى. بۇل تۋرالى قالا اكىمى ەربولات دوساەۆ ناۋرىزباي اۋدانى حالقىمەن كەزدەسۋىندە ايتتى.
" حالىق قاتىساتىن بيۋدجەت" باعدارلاماسى اياسىندا 1,8 ملرد. تەڭگە سوماسىنا 47 جوبا ورىندالدى. اقجار شاعىناۋدانىنداعى (3 گا) جانە قالقامان شاعىناۋدانىنداعى (2,5 گا) سكۆەرلەر، قوناەۆ كوشەسىندەگى ۇزىندىعى 1,2 كم سەرۋەندەۋ ايماعى، مەيرام شاعىناۋدانىنداعى جاياۋ جۇرگىنشىلەر ايماعى جانە ت.ب. اباتتاندىرىلدى", - دەپ مالىمدەدى قالا اكىمى.
ونىڭ ايتۋىنشا، بارلىعى 21 قوعامدىق كەڭىستىك ۋچاسكەسى (سكۆەرلەر، بالالار الاڭدارى، اۋلالار) جانە جول ينفراقۇرىلىمى بويىنشا 26 جوبا (جولدار، تروتۋارلار، ارىقتار، كوپىر وتكەلدەرى، سۋارۋ جۇيەسى) اباتتاندىرىلدى.
كەلەسى جىلى داۋىس بەرۋ قورىتىندىسى بويىنشا بەرىلگەن 129 ۇسىنىستىڭ ىشىنەن 1,8 ملرد.تەڭگەدەن استام سوماعا 45 جوبا الدىن الا ىرىكتەپ الىندى.
