قازاقستان رەسپۋبليكاسىنداعى فەمينيزمنىڭ بەلسەندى جاقتاۋشىلارى قازاقستان رەسپۋبليكاسى پارلامەنتىندەگى ايەلدەر مانداتتارىنىڭ ۇلەسىن زاڭنامالىق تۇرعىدان 27%-دان 50%-عا دەيىن ۇلعايتۋ تۋرالى پەتيتسيا جاريالادى، دەپ حابارلايدى “ادىرنا” ۇلتتىق پورتالى.
ALASH ونلاين سايتىندا جۆريالانعان پەتيتسيانىڭ اۆتورلارى مۇنداي قادام قازاقستان رەسپۋبليكاسىندا دەموكراتيانىڭ دامۋىن قامتاماسىز ەتەتىنىنە سەنىمدى.
“2021 جىلعا ارنالعان قازاقستان رەسپۋبليكاسى پارلامەنتىندەگى ايەلدەر مانداتتارىنىڭ ۇلەسى نەبارى 27,4% قۇرايدى. گەندەرلىك تەڭدىك – ەرلەر مەن ايەلدەردىڭ ءومىردىڭ بارلىق سالالارىندا بىردەي جانە تەڭ دامۋ مۇمكىندىكتەرى مەن الەۋەتى بار ەكەنىن بىلدىرەتىن نەگىزگى ادام قۇقىقتارىنىڭ ءبىرى. ۇزاق ۋاقىت بويى ساياسات ەرلەردىڭ قولىندا بولدى، ال ايەلدەر عاسىرلار بويى ساياساتتان تىس قالدى. ءتيىمدى دەموكراتيالىق مەملەكەت ەرلەر مەن ايەلدەردىڭ ساياسي ارەناعا تەڭ قاتىسۋىن تالاپ ەتەدى.
ايەلدەردىڭ حالىقارالىق ساياساتقا جانە قوعامنىڭ ساياسي مادەنيەتىنە ىقپالى زور. ولار قوعام ومىرىندە تۋىندايتىن كوپتەگەن ماسەلەلەردى شەشۋگە بەلسەنە قاتىسادى. سونىمەن قاتار، ماسەلەلەر اۋقىمى تەك گەندەرلىك پروبلەمالارمەن شەكتەلمەيدى. سونىمەن قاتار قازىرگى زامانعى وركەنيەتتىڭ كەز كەلگەن سالاسىن قامتيدى. ايەلدەر قازاقستان حالقىنىڭ تەڭ جارتىسىن قۇرايدى، ال ايەلدەر كەزدەسەتىن ماسەلەلەر كوپ”،-دەپ جازىلعان پەتيتسيادا.
ودان بولەك، ايەلدەردىڭ حالىققا قامقور بولاتىنىن ايتا ءوتىپ، قازاقستان رەسپۋبليكاسى پارلامەنتىندەگى ايەلدەردىڭ ۇلەسىن تۇراقتى نەگىزدە 50%-عا دەيىن ارتتىراتىن نورما قابىلداۋدى تالاپ ەتتى.
“ايەلدەردىڭ عاسىرلار بويى ءوز قۇقىقتارى ءۇشىن كۇرەسى ايەلدەردىڭ مۇمكىندىكتەرىن كەڭەيتۋ ءبىرىنشى كەزەكتەگى مىندەت ەكەنىن كورسەتەدى. سوندىقتان دۇنيە جۇزىندەگى ۇكىمەتتەر گەندەرلىك تەڭدىكتى ناسيحاتتاپ، ايەلدەردىڭ ساياسي بيلىككە قول جەتكىزۋىن قامتاماسىز ەتەدى. كوپتەگەن ساراپشى جيىرما ءبىرىنشى عاسىردى ساياساتتاعى ايەلدەر مەن گەندەرلىك دەموكراتيا عاسىرى دەپ ەسەپتەيدى.
ءبىز، قازاقستانداعى فەمينيزمنىڭ بەلسەندى جاقتاۋشىلارى، بيلىكتەن قازاقستان رەسپۋبليكاسى پارلامەنتىندەگى ايەلدەردىڭ ۇلەسىن تۇراقتى نەگىزدە 50%-عا دەيىن ارتتىراتىن نورما قابىلداۋدى تالاپ ەتەمىز. ايەلدەردىڭ حالىققا قامقور بولاتىنىنا سەنىمدىمىز. وسى پەتيتسيا تۋرالى جاڭالىقتار اگەنتتىكتەرىنە حابارلاڭىز. وسىلايشا، ءبىز حالىقتىڭ نارازىلىعىن تۋدىرىپ، ماسەلەگە بيلىكتىڭ نازارىن اۋدارا الامىز”،-دەلىنگەن پەتيتسيادا.
