ەلىمىزدە 18 جاسقا دەيىنگى بالالارعا جاردەماقى تولەۋ ۇسىنىلدى

2179
Adyrna.kz Telegram

قازاقستاندا 18 جاسقا دەيىنگى بارلىق بالاعا جاردەماقى تولەۋ ۇسىنىلدى، دەپ حابارلايدى «ادىرنا» ءتىلشىسى.

ءماجىلىس دەپۋتاتى ايجان سقاقوۆانىڭ ايتۋىنشا، انا مەن بالاعا قاتىستى ماسەلەلەر ورتالىق ۋاكىلەتتى ورگانداردىڭ نازارىنان تىس قالىپ وتىر.

«ءبىز ادام كاپيتالىنا ينۆەستيتسيالاۋ يدەولوگياسىنا نەگىزدەلگەن انا مەن بالانى دامىتۋدىڭ تۇبەگەيلى جاڭا كوزقاراسى مەن تۇجىرىمداماسىن كورمەيمىز. بالالاردىڭ كەدەيلىگى ماسەلەسىنە قاتىستى جاۋاپ تا، ۇسىنىستار دا جوق. شىن مانىندە، ءبىر ميلليون قازاقستاندىق بالا ءالى دە كەدەيشىلىكتە ءومىر ءسۇرىپ جاتىر. ادامي كاپيتالعا ينۆەستيتسيالاۋدىڭ جاڭا مودەلى قاجەت»،—دەدى ول.

سونىمەن قاتار، پارلامەنتشىلەر انا مەن بالانى قولداۋعا باعىتتالعان بىرقاتار باسقا دا شارانى ۇسىندى. اتاپ ايتقاندا، اقىلى بالا كۇتىمى مەرزىمىن 3 جىلعا دەيىن ۇزارتۋ، ءبىلىم بەرۋ، الەۋمەتتىك، بالانىڭ مادەني جانە باسقا دا قاجەتتىلىكتەرىن قاناعاتتاندىرۋ جانە "ArtSport" بالالار سپورت سەكتسيالارىن قارجىلاندىرۋ باعدارلاماسىن اياقتاۋ قاجەت دەپ سانايدى.

پىكىرلەر