Qazaqstanda 18 jasqa deiıngı barlyq balaǧa järdemaqy töleu ūsynyldy, dep habarlaidy «Adyrna» tılşısı.
Mäjılıs deputaty Aijan Sqaqovanyŋ aituynşa, ana men balaǧa qatysty mäseleler ortalyq uäkılettı organdardyŋ nazarynan tys qalyp otyr.
«Bız adam kapitalyna investisiialau ideologiiasyna negızdelgen ana men balany damytudyŋ tübegeilı jaŋa közqarasy men tūjyrymdamasyn körmeimız. Balalardyŋ kedeilıgı mäselesıne qatysty jauap ta, ūsynystar da joq. Şyn mänınde, bır million qazaqstandyq bala älı de kedeişılıkte ömır sürıp jatyr. Adami kapitalǧa investisiialaudyŋ jaŋa modelı qajet»,—dedı ol.Sonymen qatar, parlamentşıler ana men balany qoldauǧa baǧyttalǧan bırqatar basqa da şarany ūsyndy. Atap aitqanda, aqyly bala kütımı merzımın 3 jylǧa deiın ūzartu, bılım beru, äleumettık, balanyŋ mädeni jäne basqa da qajettılıkterın qanaǧattandyru jäne "ArtSport" balalar sport seksiialaryn qarjylandyru baǧdarlamasyn aiaqtau qajet dep sanaidy.
