Oqýshylar arasynda toǵyzqumalaqtan jelilik spartakıada ótýde

2519
Adyrna.kz Telegram

Nazarbaev Zııatkerlik mektepteriniń oqýshylary arasynda toǵyzqumalaqtan V jelilik spartakıadasy ótýde.

Spartakıadanyń basty maqsaty toǵyzqumalaq ulttyq oıynyn mektep oqýshylar arasynda nasıhattaý. Bul ulttyq oıyn túri oqýshynyń logıkalyq oılaý qabiletin arttyrýǵa, synı oılaı alýǵa kómektesedi.

Aqtaý qalasyndaǵy hımııa-bıologııa baǵytyndaǵy Nazarbaev Zııatkerlik mektebiniń oqýshylary da«Toǵyzqumalaq» ulttyq oıyny boıynsha NIS arasyndaǵy jelilik spartakıadaǵa qatysýda. Aqtaýdaǵy Zııatkerlik mektebiniń namysyn Jansaıa Járdem, Nurhan Ýtıbaev, Nazerke Járdem  jáne Janarys Tleýqul qorǵaıdy.

- Toǵyzqumalaq oıynyna alǵash anam alyp keldi. Men ol kezde 3 jasta bolatynmyn, sol kezden bastap anam toǵyzqumalaq taqtasyn úıge ákelip qoıǵan eken. Bala kúnimnen qyzyǵyp, 4 synyptan bastap arnaıy úıirmelerge qatysa bastadym. Toǵyzqumalaqtan jelilik spartakıadaǵa osymen tórtinshi jyl qatyrynan qatysyp jatyrmyn. 2019 jyly dál osy spartakıada da jeke 1 oryn, komandamen 2 oryndy alǵan edik, bıylda sol jeńisimizdi qaıtalaımyz degen úmittemin,- deıdi toǵyzqumalaqtan respýblıkalyq jarystardyń jeńimpazy Jansaıa Járdem

Jansaıa, buǵan deıin Taraz qalasynda ótken toǵyzqumalaqtan XI jazǵy Qazaqstan oqýshylar Gımnazıadasynda 2 oryn alsa, Mańǵystaý oblysynda ótken S.Tilegenovty eske alýǵa arnalǵan toǵyzqumalaqtan respýblıkalyq jarysta jeńimpaz atandy.

Jelilik spartakıada 10-12 qazan aralyǵynda PlayOk platformasynda onlaın túrde ótedi. Jarysqa Nazarbaev Zııatkerlik mektepterinen 94 oıynshy qatysýda.

Aıta keteıik, 2020 jyldyń sońynda toǵyzqumalaq IýNESKO-nyń Álemdik mura nysandarynyń tizimine engizildi.

Pikirler