الماتى قالاسى ىشكى ساياسات باسقارماسىنىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە تاريح عىلىمدارىنىڭ دوكتورى، پروفەسسور، قىتايتانۋشى ءنابيجان مۇقامەدحانۇلىمەن كەزدەسۋ وتكىزدى. «تاريحتان تاعىلىم» جوباسى اياسىندا وتكەن كەزدەسۋگە ۋنيۆەرسيتەتتىڭ تاريح جانە قۇقىق فاكۋلتەتىنىڭ ستۋدەنتتەرى قاتىستى.
عالىم ستۋدەنتتەرگە 1931-1933 جىلدارى قازاق دالاسىندا بولعان جاپپاي اشارشىلىق پەن ونىڭ زارداپتارى تۋرالى اڭگىمەلەدى. «20-عاسىردىڭ 30-جىلدارىندا قازاق حالقى ەڭ اۋىر كەزەڭىڭ باستان كەشىردى. كەڭەس وكىمەتى قازاقتاردى ءبىر وق شىعارماي قىرىپ سالدى. مۇنى عىلىمدا گەنوتسيد دەپ اتايدى. ءبىز گەنوتسيدكە ۇشىرعان حالىقپىز»، دەدى عالىم. ن.مۇقامەدحانۇلىنىڭ دەرەگىنشە، سول جىلدارى قىتايعا 100 مىڭعا تارتا قازاق وتكەن. ونىڭ سوزىنشە اشارشىلىق كەزىندە قازاق جەرىندە كوشكەن ادامداردان ولكەن ادامداردان سانى كوپ بولعان.
كەزدەسۋ سوڭىندا ستۋدەنتتەر عالىمعا سۇراقتار قويىپ، تۇششىمدى جاۋاپتار الدى.
