ۇقشۇ باس حاتشىسى ستانيسلاۆ زاس قازاقستانعا جۇمىس ساپارىمەن كەلەدى. بۇل تۋرالى ۇيىمنىڭ ءباسپاسوز حاتشىسى ۆلاديمير زاينەتدينوۆ حابارلادى، دەپ جازادى "ادىرنا" ۇلتتىق پورتالى.
"ساپار بارىسىندا ەلدىڭ جوعارى ساياسي جانە اسكەري باسشىلىعىمەن كەزدەسۋلەر جوسپارلانعان",- دەلىنگەن رەسمي حابارلامادا.
ەستەرىڭىزگە سالا كەتەيىك، قازاقستاندا 3 قازاندا ۇجىمدىق قاۋىپسىزدىك تۋرالى شارت ۇيىمىنىڭ وقۋ-جاتتىعۋلارى باستالىپ، 7 قازان كۇنى اياقتالعان بولاتىن. ال قىرعىزستان قورعانىس مينيسترلىگى ۇقشۇ-نىڭ "نەرۋشيموە براتستۆو-2022" بىتىمگەرشىلىك كۇشتەرىمەن 10 قازاننان باستاپ رەسپۋبليكا اۋماعىندا ءوتۋى ءتيىس كوماندالىق-شتابتىق وقۋ-جاتتىعۋلارىنان باس تارتقان.
"ادىرنا" ۇلتتىق پورتالى
