سامات نۇرتازا: Amanat, حالىق، اق جول پارتيالارى ءبىر اۋىزدان توقاەۆقا سەنىم ارتىپ وتىر

2680
Adyrna.kz Telegram

كوپتەن كۇتكەن “Amanat” پارتياسىنىڭ سەزىنا كەلىپ قالدىق. وسىنداي يگى جاقسى ادامداردىڭ قاسىندا، پارتيالاس تۇلعالارمەن ءبىر شاڭىراقتىڭ استىنا جينالعانىما قۋانىپ وتىرمىن. جالپى بۇگىن تۇيگەن ويىم بىلاي:

  • قاسىم-جومارت توقاەۆ حالىقتى ادىلدىك يدەياسىنىڭ استىنا بىرىكتىردى. سەبەبى ءبىزدىڭ قوعام ادىلدىكتى ساعىندى، ادىلەتسىز شەشىمدەر مەن زىميان جەمقورلىقتان شارشاعان قوعامبىز. وسىنىڭ بارلىعىن قۇتىلۋدىڭ ءبىر عانا جولى بار - ول قاسىم-جومارت توقاەۆتىڭ اينالاسىنا ۇيىسۋ!
  • قوعامنىڭ ءار ءتۇرلى ۇيىمدارى مەن ازاماتتىق توپتاردىڭ جۇمىلا قاسىم-جومارت كەمەلۇلىن قولداۋى دا - كورسەتكىش. “امانات”، “حالىق” جانە “اق جول” پارتيالارى دا ءبىر اۋىزدان قاسىم-جومارت توقاەۆقا سەنىم ارتۋى، ول دەگەنىمىز ساياسي ەليتانىڭ ىسىلىپ، ۇلكەن پروبلەمانىڭ الدىندا بارلىق جەكە ەموتسيالاردى ىسىرىپ قويىپ، ەل ءۇشىن قىزمەت اتقارا ءبىلۋىن كورسەتەدى.
  • قوعام اقىماق ەمەس. قوعام اقىلدى. قوعام تەك توقاەۆ عانا “ەسكى قازاقستاندى” قايتارۋ جولىنداعى پاتشاعارلاردىڭ جولىنا توسقاۋىل بولا الادى. تەك توقاەۆ عانا تاۋداي پروبلەمالارعا توسقاۋىل بولا الادى. “جاڭا قازاقستاندى” اڭساعان ادامدار، وزگەرىستى قالايتىن ادامدار - بارلىعى توقاەۆتى قولداۋى زاڭدى.
  • بىتىراڭقى وپپوزيتسيا، ءبىر-ءبىرىنىڭ سفينكتەرىن شۇقىلاعان وپپوزيتسيانى كورىپ وتىرىپ، قالاي باسى قوسىلماعان گۋ-گۋ-گۋ ەتكەن ادامدارعا داۋىس بەرەمىز؟ ءبىر سۇيەككە تالاسقان شيق-شيق، كاڭك-كاڭك ەتكەن دەموكراتسىماقتارعا ۇلى دالانى قالاي تاپسىراسىڭ؟ قۇداي قازاققا زىلدەي ساياساتكەردى بەرىپ وتىرعاندا، قۇداي قازاققا ءبىلىمى تۇڭعيىق تۇلعا بەرىپ وتىرعاندا، قالايشا ەكىنشى زاتتى ويلايسىڭ؟

ءوز باسىم قاسىم-جومارت توقاەۆتى قولدايمىن جانە بۇكىل تۋعان-تۋىستار مەن جولداس-جورالاردى ءتارتىپ، تۇراقتىلىق، تۇتاستىقتىڭ كەپىلى بولاتىن قاسىم-جومارت توقاەۆقا داۋىس بەرۋگە ۇگىتتەيمىن. بەرمەي كورسىن …

پىكىرلەر