مەملەكەتتىك باسقارۋ جۇيەسىنىڭ ساپاسىن ارتتىرۋ جانە شوب دامىتۋداعى ءوسۋ نۇكتەلەرىنىڭ ءبىرى رەتىندە ايەلدەردىڭ الەۋەتى ورتالىق ازياداعى ەڭ ۇلكەن 2022 Digital bridge فورۋمى اياسىندا وتكەن Technowomen Kazakhstan «تسيفرلىق ەكونوميكاداعى ايەلدەردىڭ مۇمكىندىكتەرى» پانەلدىك سەسسياسىندا اتاپ ءوتىلدى.
Technowomen تەحنولوگيالىق سالالارداعى ايەلدەردى قولداۋدىڭ بەلسەندى قوزعالىسىنا قاتىسۋشىلارى تسيفرلىق ەكونوميكاعا كوشۋدىڭ ماڭىزدىلىعىن جانە ونىمەن اشىلاتىن مۇمكىندىكتەردى اتاپ ءوتتى.
سەسسيا مودەراتورى، پحب اتقارۋشى ديرەكتورى اسەم نۇرعاليەۆا دا شوب سۋبەكتىلەرىنىڭ 80%-عا جۋىعى ءالسىز نەمەسە مۇلدەم تەحنولوگيالىق ەمەس بولىپ سانالادى، دەگەنمەن بۇل قازاقستان ەكونوميكاسىندا ارتۇرلىلىكتى ەنگىزۋدىڭ نەگىزى بولىپ تابىلاتىندىعى تۋرالى مالىمەتتەرمەن ءبولىستى. «ەگەر ءبىز انالوگتىق شوب-تەر اتىشۋلى كۆانتتىق سەكىرىس جاسايدى دەپ ويلاساق، ءبىز ويشا ارتتا قالدىق دەسەك تە بولادى. ءىرى كورپوراتسيالاردىڭ تسيفرلىق قىزمەتتەرىن پايدالانۋعا داعدىلانعان تۇتىنۋشى بۇدان بىلاي وزگەرتۋگە ءماجبۇر شوب-تىڭ تومەن تەحنولوگيالىق بيزنەس ۇلگىلەرىنە قولداۋ كورسەتە المايدى. بۇل ايەلدەر ءۇشىن جاقسى مۇمكىندىك»، - دەدى ول.
ماسەلەن، شوب سەكتورىنداعى كومپانيا باسشىلارىنىڭ 43%-ى ايەلدەر، ونىڭ ىشىندە 52,57%-ى جەكە كاسىپكەرلەر.
تسيفرلىق ەكونوميكامەن بايلانىستى جاڭا تاۋاشالار سونىمەن قاتار تابىسى تومەن سالالاردا جۇمىس ىستەيتىن ايەلدەردىڭ 56% دەرلىك تابىسىن ارتتىرادى. «تسيفرلىق ترانسفورماتسيا» قوعامدىق قورىنىڭ جەتەكشىسى ازيزا شوجەەۆا اتاپ وتكەندەي: «ەلدەگى ايەلدەردىڭ باسشىلىق قىزمەتتەگى ورنىن كۇشەيتىپ، شەشىم قابىلداۋ جۇيەسىندەگى ايەلدەر ۇلەسىن ارتتىرۋ قاجەت. بۇل ءۇشىن قازىردىڭ وزىندە ايەلدەردىڭ كۆازيمەملەكەتتىك جانە مەملەكەتتىك سەكتوردىڭ ديرەكتورلار كەڭەسىنە قاتىسۋى ءۇشىن ارنايى 30% كۆوتالار بەكىتىلگەن. بۇل نورما 1,5 مىڭنان استام بىلىكتى ايەلدەردىڭ كادرلىق الەۋەتى بار 500-دەن استام ۇيىمعا قاتىستى بولادى».
كورپوراتيۆتىك باسقارۋ ينستيتۋتىن دامىتۋداعى جانە ينۆەستيتسيالىق تارتىمدىلىقتى ارتتىرۋداعى ايەلدەردىڭ الەۋەتى تاقىرىبىن ينۆەستيتسيالىق بانكير اسەم كەنجەبەك جالعاستىردى: «تەك حالىقارالىق ۇكىمەتتىك ۇيىمدار عانا ەمەس، سونىمەن قاتار شەتەلدىك ينۆەستورلار دا كومپانيالاردىڭ باقىلاۋشى جانە اتقارۋشى ورگاندارىندا ايەلدەردىڭ بولۋى تۋرالى تالاپتاردى ەنگىزەدى. مىسالى، گونكونگ قور بيرجاسىندا ليستينگ ءۇشىن قۇرامدا ايەلدەردىڭ بولۋى تۋرالى قاتاڭ تالاپ بار، ايتپەسە جوبا ليستينگتىك كوميسسيادان وتپەيدى. جانە بۇل گەندەرلىك تەڭدىك تۋرالى ەمەس، ايەلدەردىڭ جوعارى جاۋاپكەرشىلىگى تۋرالى.
ايەلدەردىڭ الەۋەتى ابدەن اقتالعان، ويتكەنى عىلىمي دارەجەسى بارلاردىڭ باسىم كوپشىلىگى ايەلدەر. سونىمەن بىرگە، تالقىلاۋ اياسىندا ايەلدەردىڭ IT-تەحنولوگياسىن دامىتۋدىڭ تاۋاشاسى رەتىندە IT سالاسىنداعى كادر تاپشىلىعى تاقىرىبى كوتەرىلدى.
«قازاقستانداعى IT-كومپانيالار اتاپ وتكەن IT ماماندارىنىڭ جەتىسپەۋشىلىگى ايەلدەرگە جاڭادان باستاعاندار ءۇشىن عانا ەمەس، سونىمەن قاتار ماماندىعىن وزگەرتكىسى كەلەتىندەر ءۇشىن دە «ات-كە تۇسۋگە» مۇمكىندىك بەرەدى. جۇمىس ورىندارىن ءارتاراپتاندىراتىن كومپانيالاردىڭ تابىس دەڭگەيى 21% جوعارى». – دەپ اتاپ ءوتتى سەسسيا سپيكەرى، Documentolog باس ديرەكتورىنىڭ ورىنباسارى ءمادينا دۋسماعامبەتوۆا.
قازاقستانداعى گەندەرلىك ريتوريكا بىرتە-بىرتە جۇيەلى ارناعا وتۋدە. ايەلدەر ءۇشىن اشىلاتىن مۇمكىندىكتەر دەر كەزىندە جانە ستراتەگيالىق ماڭىزدى. قازاقتىڭ ارۋ جارتىسى قوعام مەن مەملەكەتتىڭ ءۇمىتىن اقتاي بەرسىن دەگەن تىلەك قالدى.
Digital Bridge حالىقارالىق فورۋمى استانا قالاسىندا 2018 جىلدان بەرى وتكىزىلىپ كەلەدى. بيىل فورۋمنىڭ باعدارلاماسى اياسىندا 45 پانەلدىك سەسسيا، تەحنوپاركتەر كورمەسى، ءىT-ستارتاپتار اللەياسى، IT-مەكتەپتەر كورمەسى، IT-ۆاكانسيالار جارمەڭكەسى، Astana Hub Battle جارىسى قاراستىرىلعان.
ۇيىمداستىرۋشىلار - قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، استانا قالاسى اكىمدىگى مەن Astana hub IT-ستارتاپتار حالىقارالىق تەحنوپاركى.
فورۋمنىڭ باس دەمەۋشىسى – Kaspi.kz. دەمەۋشىلەر مەن سەرىكتەستەر - كازاحتەلەكوم, Freedom bank, Tengizchevroil, My Car, Tech culture, Huawei, G42, Halyk Bank, Bigroup, Prime source, Glovo, SF, Leica, BI Group, OneWeb, Citix.
"ادىرنا" ۇلتتىق پورتالى
