ورال قالاسىنداعى تۇنگى كلۋبتا توبەلەس شىعارعان رەسەي فەدەراتسياسىنىڭ ەكى ازاماتىنا قاتىستى شەشىم شىقتى، دەپ حابارلايدى “ادىرنا” ءتىلشىسى.
باتىس قازاقستان وبلىسى پوليتسيا دەپارتامەنتىنىڭ اكىمشىلىك سوتى جازا رەتىندە ەكى ازاماتتى قازاقستاننان شىعارۋعا شەشىم قابىلدادى.
بۇگىن شەتەلدىكتەر ءوز وتانىنا قايتادى. ولاردىڭ ءبىرى – ماسكەۋ تۇرعىنى، ەكىنشىسى – ۋفا تۇرعىنى.
ەسكە سالايىق، 30 قىركۇيەك كۇنى ساعات 00:00 شاماسىندا بقو پد جەدەل باسقارۋ ورتالىعىنىڭ ينسپەكتورلارى سىرتقى بەينەباقىلاۋ كامەرالارىنا شولۋ جاساپ وتىرعاندا ورالداعى تۇنگى كلۋب جانىنداعى ەر ادامداردىڭ توبەلەسىن بايقاعان ەدى.
وقيعا ورنىنا كەلگەن پوليتسيا قىزمەتكەرلەرى ماس كۇيىندە ءبىر-بىرىمەن توبەلەسكەن رەسەي ازاماتتارىن ۇستادى. بۇل فاكت بويىنشا ماتەريال جينالىپ، كۋاگەرلەردەن جاۋاپ الىندى.
”ادىرنا” ۇلتتىق پورتالى
