رەسەيدەگى موبيليزاتسيادان قاشقان تۇرعىنداردىڭ اراسىندا سانى از تۇركى ۇلتتارىنىڭ وكىلدەرى دە بار. باۋىرلاس اعايىنداردىڭ تاعدىرىنا قاتىستى قازاقتىڭ دارىندى قىزى، اقىن تاناكوز تولقىنقىزى الاڭداپ، دابىل قاقتى، دەپ حابارلايدى "ادىرنا" ۇلتتىق پورتالى.
"جەر بەتىندە 3000 عانا قىرىم تاتارلارى قالعان. پۋتين سول 3000 قىرىم تاتارىنىڭ 1000-نا پوۆەستكا جىبەرىپتى. بۇل بارىپ تۇرعان ۇلتتى جويۋعا باعىتتالعان اشىق گەنوتسيد قوي. ماعان بۇگىن رەسەيدەن كەلگەن قىرىم تاتارى حابارلاستى. - استانادا جالدايتىن پاتەر قالمادى. بارلىق قوناق ۇيلەر تولىپ قالعان. جالدايتىن ءۇي تابۋعا كومەكتەسىڭىزشى! -دەدى", - دەپ جازدى قالامگەر.
Cونىمەن قاتار، اۆتور رەسەيدەگى سانى از تۇركى تەكتەس ۇلتتاردىڭ تاعدىرىنا قاتىستى تولعانىپ، جۋرناليستەردەن كومەك سۇرادى. بۇعان قاتىستى:
"ەگەر رەسەيلىكتەرگە كومەكتەسەمىن دەپ شەشسەڭىزدەر ەڭ ءبىرىنشى باۋىرلاس تۇركى تەكتەس ۇلتتاردى پانالاتۋ كەرەك. قىرىم تاتارلارىنىڭ ءتىلى قازاققا وتە ۇقساس. وزبەك تىلىنەن دە جاقىن. قازاقشا سويلەپ جاتقان سياقتى. استانادا ريەلتور دوستارى بار جۋرناليستەر! مەن سىزدەردەن كومەك سۇرايمىن. ۋكرايناداعى سوعىستى قولدامايتىن ءوزىمىزدىڭ رەسەيلىك قازاقتاردى، تاتار، باشقۇرت، قۇمىق، قاراشاي، قىرىم تاتارلارىن پانالاتۋىمىز كەرەك دەپ ەسەپتەيمىن", - دەپ جازدى اقىن.
"ادىرنا" ۇلتتىق پورتالى
