الماتى قالاسىنا قاراستى اۋداندا 4 بىردەي مەديتسينالىق مەكەمە اشىلادى. دەپ حابارلايدى «ادىرنا» ءتىلىشسى.
اتالعان باستاما مەملەكەت باسشىسى قاسىم-جومارت توقاەۆتىڭ جولداۋدىندا ايتقان «ۇلت ساۋلىعى جاقسى بولسا عانا، قوعام ورنىقتى داميدى»، - دەگەن سوزىمەن استاسىپ جاتقان كەشەندى جوسپار.
پرەزيدەنت ءوزىنىڭ جولداۋىندا: «مەن كەلەسى جىلدان باستاپ ۇلتتىق جوبانى جۇزەگە اسىرۋدى تاپسىردىم. ۇلتتىق جوبا اياسىندا 32 اۋداندىق اۋرۋحانا زامانعا ساي جاڭارىپ، اۋدانارالىق كوپبەيىندى مەكەمەگە اينالادى»،-دەپ ايتقان ەدى. جالپى، مەديتسينا سالاسىنىڭ داماۋى، اۋدان مەن قالا ءۇشىن بىرەدەي ماڭىزعا يە. سوندىقتاندا، دەنى ساۋ ۇلتتى قالىپتاسىترۋ جورلىندا اتالعان باعىتتاعى ماسەلەلەر كۇن تارتىبىنەن تۇسپەسى انىق.
الماتى قالاسىنىڭ اكىمى ەربولات دوساەۆ، مەدەۋ اۋدانىنىڭ تۇرعىندارىمەن كەزدەسۋىندە، دەنساۋلىق سالاسىنداعى تۇيتكىلدى ماسەلەلەردى شەشۋ ءۇشىن اۋداندا بىرقاتار جۇمىستار ءجۇرىپ جاتقاندىعىن اتاپ وتكەن بولاتىن.
ونىڭ ايتۋىنشا، بۇگىنگى كۇنى «كەڭساي» ىقشاماۋدانىندا اۋىسىمىنا 120 كەلۋشىگە ارنالعان جاڭا وتباسىلىق-دارىگەرلىك امبۋلاتوريا سالىنىپ جاتىر. اتالعان نىسان بيىلعى جىلدىڭ سوڭىنا دەيىن پايدالانۋعا بەرىلەدى. سونىمەن قاتار «الاتاۋ» ىقشاماۋدانىندا قالالىق اۋرۋحانانىڭ سەيسموتۇراقتىلىعىن كۇشەيتە وتىرىپ، كۇردەلى جوندەۋ جۇرگىزۋگە جوبالاۋ-سمەتالىق قۇجاتتاما (جسق) ازىرلەنەدى. جوبالاۋ-سمەتالىق قۇجاتتامانى اياقتاۋ2023 جىلدىڭ III توقسانىنا جوسپارلانعان.
سونداي-اق، «دۋمان» ىقشاماۋدانىندا اۋىسىمىنا 500 ورىندىق جاڭا ەمحانا سالىنادى. قۇرىلىس-مونتاجداۋ جۇمىستارىن 2023 جىلدىڭ ءىىى توقسانىندا باستاۋدى جوسپارلاپ وتىر، جانە گورنىي گيگانت ىقشاماۋدانىندا بيىل اۋىسىمىنا 400 كەلۋشىگە ارنالعان ەمحاناسى جانە امبۋلاتوريالىق حيرۋرگيا ورتالىعى بار «Mediker Hospital International» جەكەمەنشىك كلينيكاسىنىڭ قۇرىلىسى اياقتالدى دەپ كۇتىلۋدە.
