قر قورعانىس مينيسترلىگى قازاقستانعا كەلىپ جاتقان ۇجىمدىق قاۋىپسىزدىك تۋرالى شارت ۇيىمىنا (ۇقشۇ) مۇشە ەلدەردىڭ اسكەري تەحنيكالارىنا قاتىستى تۇسىنىك بەردى، دەپ جازادى "ادىرنا" ۇلتتىق پورتالى.
«بۇدان بۇرىن حابارلانعانداي، 2022 جىلعى 26 قىركۇيەك پەن 8 قازان ارالىعىندا جامبىل، الماتى وبلىستارىندا ۇقشۇ ۇجىمدىق جەدەل دەن قويۋ كۇشتەرىنىڭ «ءوزارا ءىس-قيمىل-2022«، «ىزدەۋ-2022«، «ەشەلون-2022« وقۋ-جاتتىعۋلارى وتەدى.
وسىعان بايلانىستى ەلىمىزگە ۇيىمعا مۇشە مەملەكەتتەردىڭ اسكەري كونتينگەنتتەرى كەلىپ جاتىر. اسكەري تەحنيكانىڭ قوزعالىسى تەمىرجول، اۋە كولىكتەرىمەن جانە دوڭگەلەكتى تەحنيكامەن جۇزەگە اسىرىلۋدا.
بۇل تۇرعىدا ازاماتتاردى الەۋمەتتىك جەلىلەردە تارالىپ جاتقان ءتۇرلى قاۋەسەتتەرگە ءمان بەرمەۋگە، تەك رەسمي اقپارات كوزدەرىنە سەنۋگە شاقىرامىز»، - دەلىنگەن حابارلامادا.
"ادىرنا" ۇلتتىق پورتالى
