«AMANAT»-تىڭ ەل اۋماعىنداعى 4 000-نان استام باستاۋىش پارتيا ۇيىمىنىڭ مۇشەلەرى پارتيانىڭ جاڭا ساياسي تۇعىرناماسىنىڭ جوباسىن تالقىلاۋدا. سونداي-اق، بپۇ وتىرىستارىندا پارتيانىڭ اۋماقتىق فيليالدارىنىڭ كونفەرەنتسيالارىنا قاتىساتىن دەلەگاتتار سايلانادى.
ماسەلەن، الماتىداعى №4-ءشى قالالىق پەرزەنتحانانىڭ اكۋشەرى تامارا حۆان «دەنساۋلىق» باستاۋىش پارتيا ۇيىمىنىڭ جينالىسىندا ءسوز سويلەپ، وتباسىنىڭ ءال-اۋقاتى مەن ۇلت ساۋلىعى سىندى باعىتتاردىڭ ماڭىزدىلىعىن اتاپ ءوتتى.
«پارتيالىقتار وزدەرىنىڭ باعدارلامالىق قۇجاتتارى مەن باستامالارىندا دەنساۋلىق ساقتاۋ سالاسىنىڭ ساپاسىن ارتتىرۋ ماسەلەسىن ۇنەمى نازارعا الىپ وتىرادى. وسىلايشا، ولار ازاماتتارىمىزعا ءىس جۇزىندە قامقورلىق كورسەتىپ كەلەدى»، – دەپ اتاپ ءوتتى تامارا حۆان.
ءوز كەزەگىندە، «قىزىلوردا ماگيسترالدىق جەلى بولىمشەسى» باستاۋىش پارتيا ۇيىمىنىڭ مۇشەسى سابىر بيمۇحامەدوۆ جاڭا باعدارلامالىق قۇجات پارتيالىقتاردىڭ باسىم كوپشىلىگىنىڭ كوزقاراسى مەن پىكىرىن بىرىكتىرەتىنىن اتاپ ءوتتى.
«بارلىق وڭىردەن ۇسىنىس جيناۋ جانە الەۋمەتتىك ساۋالناما جۇرگىزۋ ارقىلى پارتيالىقتاردىڭ قۇجاتقا قاتىستى ءوز پىكىرىن بىلدىرۋىنە مۇمكىندىك بەرىلدى. جالپى، «AMANAT» ەلىمىزدىڭ باستى ساياسي كۇشى بولا وتىرىپ، ءاربىر ازاماتتىڭ مۇددەسىن قورعاۋدى جالعاستىرىپ جاتقانى قۋانتادى»، – دەدى سابىر بيمۇحامەدوۆ.
پاۆلوداردا بپۇ مۇشەلەرى قالالىق ترامۆاي باسقارماسى بازاسىندا وبلىستىق ماسليحاتتاعى پارتيا دەپۋتاتتارىمەن بىرگە جاڭا تۇعىرنامانىڭ نەگىزگى باسىمدىعى ازاماتتاردىڭ ءال-اۋقاتىنا باعىتتالعانىن اتاپ ءوتتى.
«توم-توم قۇجاتتى زەرتتەپ وتىراتىن ۋاقىتىمىز جوق. ءبىز ءۇشىن قاراپايىمدىلىق پەن قولجەتىمدىلىك ماڭىزدى. ال جاڭا ساياسي تۇعىرنامانىڭ جوباسى – وسى قاعيداتتارعا ساي كەلەدى. پارتيا جۇمىسىندا ادام مەن ونىڭ ءال-اۋقاتىنا نەگىزگى باسىمدىق بەرىلەتىنى ءبىز ءۇشىن وتە ماڭىزدى»، – دەدى «د.ماحمۇدوۆ اتىنداعى ترامۆاي دەپوسى» كاسىپورنىنىڭ قىزمەتكەرى سايلاۋبەك اسىحانوۆ.
وبلىستىق ماسليحاتتاعى «AMANAT» فراكتسياسىنىڭ مۇشەسى سەرىك جارتىباەۆ جاڭا قۇجات قاتارداعى پارتيالىقتاردىڭ مىڭداعان پىكىرىن قامتيتىنىن اتاپ ءوتتى.
«جەرگىلىكتى اقپاراتتىق تەحنولوگيالار كوللەدجىنىڭ ديرەكتورى رەتىندە، مەن ءۇشىن وسى تۇعىرنامادا بالالارىمىزدىڭ مەكتەپكە دەيىنگى تاربيەسىنەن باستاپ، بارلىق دەڭگەيدەگى ءبىلىم بەرۋ سالاسىنا ەرەكشە نازار اۋدارىلعانى ماڭىزدى. «AMANAT» پارتياسىنىڭ بۇكىل ساياسي پلاتفورماسى ادىلەتتى قازاقستاندى قۇرۋعا باعىتتالعان»،– دەدى سەرىك جارتىباەۆ.
قاراعاندى وبلىسىنداعى «مەملەكەتتىك مۇراعات» بپۇ جەتەكشىسى ەلەنا چەرنايا جاڭا تۇعىرناما – زاماناۋي تالاپتارعا جاۋاپ بەرەتىن «AMANAT» پارتياسىنىڭ باستى يدەولوگيالىق قۇجاتى ەكەنىن اتاپ ءوتتى.
«تۇعىرناما بولاشاقتاعى باعىت پەن دامۋ باعدارلارىن، قاعيدالارىن قامتيدى. ول ءبىزدى ادىلەتتى قازاقستاندى قۇرۋعا تاعى ءبىر قادام جاقىنداتادى»، – دەدى ەلەنا چەرنايا.
بپۇ جيىندارىنىڭ قورىتىندىسى بويىنشا پارتيانىڭ اۋماقتىق فيليالدارىنىڭ كونفەرەنتسيالارىنا قاتىسۋ ءۇشىن دەلەگاتتار سايلاندى.
ەسكە سالا كەتەيىك، 6 قازاندا استانا قالاسىندا «AMANAT» پارتياسىنىڭ كەزەكتەن تىس XXIV سەزى وتەدى. سەزد جۇمىسىنا ەلىمىزدىڭ بارلىق وڭىرىنەن دەلەگاتتار قاتىسادى.
