ماسكەۋدەگى اقش ەلشىلىگى ءوز ازاماتتارىن رەسەيدەن تەز ارادا كەتۋگە شاقىردى

2564
Adyrna.kz Telegram
فوتو: dw.com
فوتو: dw.com

ماسكەۋدەگى امەريكا ەلشىلىگى ءوز ازاماتتارىن رەسەيدەن تەز ارادا كەتۋگە شاقىردى. بۇل تۋرالى سارسەنبى كۇنى ديپلوماتيالىق وكىلدىكتىڭ سايتىندا جاريالاندى، دەپ حابارلايدى “ادىرنا” ۇلتتىق پورتالى.

«اقش ازاماتتارى رەسەيگە بارماۋى كەرەك، ال رەسەيدە تۇراتىن نەمەسە ونىڭ ىشىندە ساياحاتتاعاندار كوممەرتسيالىق ساپارلارعا ءالى شەكتەۋلى مۇمكىندىكتەر بولعان كەزدە ەلدەن دەرەۋ كەتۋى كەرەك»، - دەدى ەلشىلىك.

ديپلوماتيالىق وكىلدىك رەسەيلىك تاراپتىڭ «اقش ازاماتتارىنىڭ قوس ازاماتتىقتى مويىنداۋدان باس تارتۋى، مۇنداي ادامداردىڭ امەريكاندىق كونسۋلدىق كومەگىنە قول جەتكىزۋىنە جول بەرمەۋى، ولاردىڭ رەسەيدەن شىعۋىنا تىيىم سالۋى جانە ولاردى اسكەري قىزمەتكە شاقىرۋى» مۇمكىن دەپ الاڭداۋشىلىق ءبىلدىردى.

سونداي-اق، قازىرگى ۋاقىتتا كوممەرتسيالىق رەيستەردىڭ سانى وتە شەكتەۋلى ەكەنى جانە كوبىنەسە ساپارعا دەيىن قىسقا مەرزىمدە بيلەت ساتىپ الۋ مۇمكىن ەمەستىگى اتاپ ءوتىلدى.

"اۆتوكولىكپەن نەمەسە اۆتوبۋسپەن جەرۇستى مارشرۋتتارى ءالى اشىق. رەسەيدەن كەتكىڭىز كەلسە، مۇمكىندىگىنشە تەزىرەك", - دەدى ەلشىلىك.

سەيسەنبىدە بولگاريا مەن پولشا ءوز ازاماتتارىنا رەسەي فەدەراتسياسىنىڭ اۋماعىنان شۇعىل تۇردە كەتۋ جانە ەلگە بارۋدان باس تارتۋ مۇمكىندىگى تۋرالى ويلانۋدى ۇسىندى.

”ادىرنا” ۇلتتىق پورتالى 

پىكىرلەر