«ورىستار كەلدى، اقشا تابۋىم كەرەك» دەپ پاتەرىندە تۇرىپ جاتقان ستۋدەنتتەردى شىعارىپ جىبەرگەن ازاماتقا كوپشىلىك رەنىش ءبىلدىردى، دەپ حابارلايدى "ادىرنا" ۇلتتىق پورتالى.
موبيليزاتسيا باستالعالى رەسەيدەن قازاقستان تەرريتورياسىنا وتكەندەردىڭ سانى كۇرت ارتتى. ولار ورال، استانا، الماتى، قوستاناي سەكىلدى قالالارعا ورنالاسىپ جاتىر. مۇنىڭ سالدارىنان تۇرعىن ءۇي جالداۋ باعاسى شارىقتاپ كەتتى. كەيبىر ازاماتتار پاتەرىن قىمبات باعاعا جالعا بەرۋ ءۇشىن وندا تۇرىپ جاتقان ستۋدەنتتەردى شىعارىپ جىبەرگەن.
سونداي ءبىر وقيعانى ديزاينەر مامان مەرۋەرت ۇسەنبەكقىزى ءوز پاراقشاسىندا ءبولىستى. موبيليزاتسيادان قاشقاندارعا پاتەرىن جالعا بەرۋ ءۇشىن ستۋدەنتتەردى ۇيىنەن شىعارىپ جىبەرگەن ازامات جايلى:
"ورىستار كەلدى، اقشا تابۋىم كەرەك»، دەپ اشىق ايتىپ تۇر. وسىندا كوبىڭىز كۆارتيرا بەرىپ جۇرگەن شىعارسىزدار، قالاي جاۋتەڭدەتىپ قۋىپ شىعاسىزدار، كوتەرمەڭىزدەر باعانى! قانشاما ادامنىڭ كوز جاسى مەن قارعىسى جىبەرمەيدى... بۇنىڭ ءتۇبى جاقسىلىققا اپارماس.... ەلىمىز امان، جەرىمىز تىنىش بولسىن!" - دەپ جازدى اۆتور.
ءۇي يەسى جانە پاتەر جالداۋشىلار اراسىندا جازىلعان حابارلامالار الەۋمەتتىك جەلىلەردى شارلاپ، قالىڭ كوپشىلىكتىڭ رەنىشىن تۋدىردى.
