ەۋروپا قايتا قۇرۋ جانە دامۋ بانكىنىڭ (ەقدب) ۆيتسە-پرەزيدەنتى الان پيۋ، ورتالىق ازيا بويىنشا باسقارۋشى ديرەكتور جۋجاننا حارگيتاي جانە ەقدب-نىڭ قازاقستان بويىنشا ديرەكتورى حۋسەين وزحاننىڭ قاتىسۋىمەن وتكەن كەزدەسۋدە «جاسىل» جوبالاردى ىسكە اسىرۋ، سونداي-اق «جاسىل بوندتاردى» شىعارۋ ارقىلى قالانىڭ ينفراقۇرىلىمىن جاقسارتۋ جونىندەگى باعدارلامالاردى بىرلەسىپ قارجىلاندىرۋ ماسەلەلەرى جان- جاقتى تالقىلاندى، دەپ حابارلايدى " ادىرنا" ءتىلشىسى.
كەزدەسۋ بارىسىندا ەكولوگيالىق ماسەلەلەرگە ەرەكشە نازار اۋدارىلدى. ەقدب ۆيتسە-پرەزيدەنتى الان پيۋ «جاسىل قالا» ءىس-قيمىل جوسپارىن تانىستىردى، وندا مەملەكەتتىك ورگاندارمەن بىرلەسىپ ەكولوگيالىق ماسەلەلەردى شەشۋ ءۇشىن جوبالار پۋلى انىقتالدى. الماتى جەو-2-ءنى كومىردەن گازعا كوشىرۋ قالا ءۇشىن نەگىزگى جوبا بولماق، مۇندا ەقدب كرەديتورلاردىڭ ءبىرى بولىپ تابىلادى. تاراپتار 2-جەو مودەرنيزاتسيالاۋدى ىسكە اسىرۋ بارىسىن تالقىلادى.
«جاسىل قالا» ءىس-قيمىل جوسپارى باعىتتارىنىڭ ءبىرى قالالىق ينفراقۇرىلىم مەن «تسيفرلىق كوشىرمە» جوباسى پروتسەستەرىنىڭ جوعارى دالدىكتەگى تسيفرلىق كوشىرمەسىن جاساۋ ەكەنى بەلگىلەندى. جۇيە كليماتتىڭ وزگەرۋى، قوعامدىق كولىك، حالىقتىڭ ءوسۋى جانە ت.ب. ماسەلەلەردى قوسا العاندا، ءارتۇرلى جاعدايلاردا ينفراقۇرىلىمدى سترەسس-تەستىلەۋ دەرەكتەرىن وڭدەۋگە ارنالعان پلاتفورما بولىپ تابىلادى.
كەزدەسۋ بارىسىندا بىرلەسكەن قارجىلاندىرۋ ماسەلەلەرى تالقىلاندى. ەلىمىزدە جۇرگىزىلىپ جاتقان رەفورمالار مەگاپوليسكە قارجىلاندىرۋدىڭ جاڭا تەتىگى – «جاسىل» وبليگاتسيالاردى ىسكە قوسۋعا مۇمكىندىك بەرەدى.
سونداي-اق، تاراپتار الماتىدا ەنەرگيا تيىمدىلىگى جانە ەنەرگيا ۇنەمدەۋ، سۋ، جىلۋ شىعىندارىن ازايتۋ ءۇشىن ينجەنەرلىك ينفراقۇرىلىمدى جاڭعىرتۋ جانە ت. ب. بويىنشا ESG-جوبالارىن ىسكە اسىرۋ ماسەلەلەرىنە دە توقتالدى.
قالا اكىمى ەربولات دوساەۆ ەقدب 30 جىل بويى قازاقستان مەن الماتى ءۇشىن ءىرى ستراتەگيالىق ينۆەستور بولىپ تابىلاتىنىن اتاپ ءوتتى. ول ەقدب كومانداسىنا بەلسەندى ىنتىماقتاستىعى ءۇشىن العىس ءبىلدىردى، «جاسىل قالا» وزەكتى باعىتى بويىنشا بانكپەن ءوزارا ءىس-قيمىلدى جالعاستىرۋعا دايىن ەكەنىن راستادى.
كەزدەسۋ سوڭىندا تاراپتار الداعى جۇمىستىڭ باسىم باعىتتارىن جانە بەلسەندى ىنتىماقتاستىقتىڭ جاڭا كەزەڭىنە شىعۋ جولدارىن تالقىلادى.
