بىرىككەن ۇلتتار ۇيىمىنىڭ نەگىزگى اسسامبلەيا وتىرىسىندا قازاقستان العاش رەت ۋكراينانى جاقتاپ شىقتى. بۇعان دەيىن قازاقستان بەيتاراپ ۇستانىم تانىتىپ كەلگەن، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى نەگىزگى اسسامبلەيا وتىرىسىندا ۋكرينا پرەزيدەنتىنىڭ بەينە-ۇندەۋ ارقىلى حالىقارالىق بايلانىسقا شىعۋىن قولداپ، داۋىس بەردى. داۋىس بەرۋدەن باس تارتقاندار قاتارىندا وزبەكستان، برازيليا، بانگلادەش، يران، يراك سەكىلدى مەملەكەتتەر بار. ال، رەسەي فەدەراتسياسى، بەلورۋسسيا، سيريا سىندى مەملەكەتتەر ۆ. زەلەنسكيدىڭ نەگىزگى اسسامبلەيا وتىرىسىنا بەينە-ۇندەۋ ارقىلى قوسىلۋىنا قارسى داۋىس بەردى.
