«ەكس-پرەزيدەنت نۇرسۇلتان نازارباەۆتىڭ ەسىمىن مادەنيەت سالاسىنداعى ستيپەنديادان الىپ تاستاۋ تۋرالى جارلىق جوباسى مەملەكەت باسشىسىنا قول قويۋعا ۇسىنىلدى» دەپ، حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
جوبا نەگىزىندە مەملەكەتتىك ماراپاتقا قاتىستى اتاق-داقپىرتتان «تۇڭعىش پرەزيدەنت» جانە «ەلباسى» سوزدەرى الىنىپ تاستالماق. مەملەكەتتىك ماراپاتتان نازارباەۆتىڭ اتى-ءجونىن الىپ تاستاۋ تۋرالى اقپارات شىلدەنىڭ باسىندا شىققان ەدى.
ۇكىمەت قاۋلىسىندا: «قازاقستان رەسپۋبليكاسى پرەزيدەنتىنىڭ 2000 جىلدىڭ 3 ساۋىرىندەگى «قازاقستان رەسپۋبليكاسىنىڭ پرەزيدەنتى – ەلباسىنىڭ مادەنيەت سالاسىنداعى مەملەكەتتىك ستەپەندياسىن قۇرۋ تۋرالى» №369 جارلىعىن وزگەرتۋگە قاتىستى جارلىق جوباسى قر پرەزيدەنتىنە ۇسىنىلسىن»، - دەلىنگەن.
