قوستاناي وبلىسىنداعى ورتكە بايلانىستى ورمان شارۋاشىلىعى مەكەمەسىنىڭ باسشىسى قاماۋعا الىندى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
13 قىركۇيەك كۇنى «باسامان ورمان شارۋاشىلىعى مەكەمەسى» كمم-ءنىڭ باسشىلىعىنا قاتىستى اۋىر زارداپتارعا اكەپ سوققان لاۋازىمدىق وكىلەتتىكتەرىن تەرىس پايدالانۋ فاكتىلەرى بويىنشا سوتقا دەيىنگى تەرگەپ-تەكسەرۋ باستالدى (قازاقستان رەسپۋبليكاسى قىلمىستىق كودەكسىنىڭ 361-بابى 4-بولىگى 3-تارماعى). سول كۇنى مەكەمە باسشىسى قازاقستان رەسپۋبليكاسى قىلمىستىق-پروتسەستىك كودەكسىنىڭ 128-بابى تارتىبىندە ۇستالىپ، ۋاقىتشا ۇستاۋ يزولياتورىنا قامالدى. 15 قىركۇيەك كۇنى سوت مەكەمە باسشىسىنا قاتىستى كۇزەتپەن ۇستاۋ تۇرىندەگى بۇلتارتپاۋ شاراسىنا سانكتسيا بەرىلدى", - دەلىنگەن حابارلامادا.
تەرگەۋ جالعاسىپ جاتىر. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
"ادىرنا" ۇلتتىق پورتالى
