"وسى شابۋىل ارقىلى پۋتين وزىنە ءولىم جازاسىن تىلەپ الدى. رەسەيدىڭ ىدىراۋىنا ءارى كەتسە 5-اق جىل قالدى". بۇل پىكىردى بەلگىلى قوعام بەلسەندىسى، كاسىپكەر ارمان شوراەۆ ۋكراينانىڭ "FREEDOM" حالىقارالىق تەلەارناسىنا بەرگەن سۇحباتىندا ايتتى، دەپ جازادى "ادىرنا" ۇلتتىق پورتالى.
"باسقىنشىلىقتىڭ ءبىرىنشى كۇنىنەن باستاپ-اق قازاقستاندىقتاردىڭ 80 پايىزى ۋكراينانى قولدايتىنىن ايتا الامىن. ۋكراينا ءۇشىن الاڭدايمىز. مەن كوپتەگەن قازاقتار سياقتى رەسەيدىڭ ۋكرايناعا جاساعان شابۋىلىن قازاقستانعا جاسالعان شابۋىل دەپ قابىلدادىم. العاشقى ايلاردا ءبىز ۋكراينا ۋاقىتىمەن ءومىر سۇردىك جانە كۇنى بۇگىنگە دەيىن تەلەگرام-ارنالارداعى اقپاراتتى ءوز باقىلاۋىمىزدا ۇستاۋدى جالعاستىرىپ كەلەمىز. ءبىز ۋكراينانىڭ قارۋلى كۇشتەرىنىڭ باسقىنشىلاردى جويىپ، تىكۇشاقتار مەن تانكتەردى قۇلاتقانىن كورىپ قۋانامىز. شىندىق وسى", - دەيدى ارمان شوراەۆ.
ارمان شوراەۆتىڭ ايتۋىنشا، رەسەيدىڭ ىدىراۋىنا 5-اق جىل قالدى.
ۋكراينا جەڭەتىنىنە ەشقانداي كۇمانىمىز جوق. اگرەسسيانىڭ العاشقى كۇندەرى-اق وسى شابۋىل ارقىلى پۋتين وزىنە ءولىم جازاسىن تىلەپ الدى. ول ءولىم جازاسىنا تەك ءوزىن عانا ەمەس، رەسەي فەدەراتسياسىن دا قيدى. بۇرىندارى رف-نىڭ ىدىراۋىنا 10-15 جىل بار دەپ ويلاسام، ءدال قازىرگى جاعدايدا ءارى كەتسە 5-اق جىل قالدى", - دەيدى قوعام بەلسەندىسى.
"ادىرنا" ۇلتتىق پورتالى
