ۇجىمدىق قاۋىپسىزدىك شارت ۇيىمى ارمەنيا مەن ءازىربايجان شەكاراسىنداعى قاقتىعىستى ديپلوماتيالىق جولمەن شەشۋگە شاقىردى. بۇل تۋرالى ۇيىمنىڭ ءباسپاسوز حاتشىسى ۆلاديمير زاينەتدينوۆ مالىمدەدى، دەپ حابارلايدى «ادىرنا» ءتىلشىسى.
«ءبىز كۇش قولدانۋدى قولايسىز دەپ سانايمىز. قاراما-قايشىلىقتاردى رەتتەۋ ءۇشىن تەك ساياسي-ديپلوماتيالىق ادىستەر مەن كەلىسىمدەر قولدانىلۋى كەرەك»،—دەدى ول.
سونداي-اق ءباسپاسوز حاتشىسى قازا بولعانداردىڭ جاقىندارىنا كوڭىل ايتىپ، جارالىلاردىڭ تەزىرەك ساۋىعىپ كەتۋىن تىلەدى.
