ۇلتتىق جوبا بويىنشا عىلىمنىڭ كادرلىق الەۋەتىن نىعايتۋ ءۇشىن 2025 جىلعا دەيىن عالىمدار سانىن 1,5 ەسەگە ارتتىرۋ مىندەتى قويىلدى. بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ايتتى، دەپ حابارلايدى «ادىرنا» ءتىلشىسى.
«عالىمدار مەن جاس عالىمدار سانىنىڭ 50%-عا ءوسۋى جوسپارلانعان. قازىر ەلىمىزدەگى عالىمداردىڭ 35%-ى جاس عالىمدار. بۇگىنگى تاڭدا عالىمداردىڭ جالاقىسى 2 ەسە ءوستى (252 مىڭ تەڭگەگە دەيىن). ىرگەلى زەرتتەۋلەرمەن اينالىساتىن عزي-دى تىكەلەي قارجىلاندىرۋ ەنگىزىلدى»،—دەدى ول.
مينيستر جاس عالىمداردى قولداۋ جانە ىنتالاندىرۋ ءۇشىن بىرنەشە جۇمىس اتقارىلعانىن اتاپ ءوتتى.
«جاس عالىم» جوباسى اياسىندا جاس عالىمدارعا عىلىمي زەرتتەۋلەرگە جانە پوستدوكتورانتۋرا ءۇشىن 1037 گرانت ءبولىندى. جىل سايىن حالىقارالىق تاعىلىمدامالارعا 500 گرانت بولىنەدى. 2021 جىلى الەمدىك عىلىمي ورتالىقتارعا 400 عالىم جىبەرىلدى. 2020 جىلدان باستاپ جىل سايىن 50 «ۇزدىك عىلىمي قىزمەتكەر» سىيلىعى تاپسىرىلادى»،—دەدى ۆەدومستۆو باسشىسى.
