Ulttyq joba boıynsha ǵylymnyń kadrlyq áleýetin nyǵaıtý úshin 2025 jylǵa deıin ǵalymdar sanyn 1,5 esege arttyrý mindeti qoıyldy. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy «Adyrna» tilshisi.
«Ǵalymdar men jas ǵalymdar sanynyń 50%-ǵa ósýi josparlanǵan. Qazir elimizdegi ǵalymdardyń 35%-y jas ǵalymdar. Búgingi tańda ǵalymdardyń jalaqysy 2 ese ósti (252 myń teńgege deıin). Irgeli zertteýlermen aınalysatyn ǴZI-dy tikeleı qarjylandyrý engizildi»,—dedi ol.
Mınıstr jas ǵalymdardy qoldaý jáne yntalandyrý úshin birneshe jumys atqarylǵanyn atap ótti.
«Jas ǵalym» jobasy aıasynda jas ǵalymdarǵa ǵylymı zertteýlerge jáne postdoktorantýra úshin 1037 grant bólindi. Jyl saıyn halyqaralyq taǵylymdamalarǵa 500 grant bólinedi. 2021 jyly álemdik ǵylymı ortalyqtarǵa 400 ǵalym jiberildi. 2020 jyldan bastap jyl saıyn 50 «Úzdik ǵylymı qyzmetker» syılyǵy tapsyrylady»,—dedi vedomstvo basshysy.
