پرەزيدەنتتىڭ بۇل جولعى جولداۋىندا بۇرىنعى ايتىلىپ جۇرگەن ماسەلەلەر تولىقتىرعانداي بولدى. ەڭ ءبىرىنشى، اۋىل مەن قالا مەكتەپتەرىنىڭ ايىرماشىلىعىن ەداۋىر ازايتۋ. اۋەلى مەكتەپ سالۋ ماسەلەسى – ۇكىمەت پەن اكىمدىكتەردىڭ باستى مىندەتى. ەندى جەمقورلاردىڭ زاڭسىز تاپقان قارجىسى ولار سوتتالعان سوڭ مەملەكەتكە ءوتىپ، تۇگەلدەي مەكتەپ قۇرىلىسىنا جۇمسالماق. وسىنداي ۇسىنىستى جاساعان پرەزيدەنت، ۇكىمەتتىڭ وسى باستامانى زاڭ تۇرعىسىنان رەتتەۋىن تاپسىردى. بۇل – دۇرىس شەشىم.
ەكىنشىدەن، اپاتتى جاعدايداعى جانە ءۇش اۋىسىمدى مەكتەپ ماسەلەسى تولىق شەشىلمەك. بۇعان دالەل پرەزيدەنت قاسىم-جومارت توقاەۆتىڭ ءسوزى: «ورتا ءبىلىمنىڭ ساپاسى – تابىستى ۇلت بولۋدىڭ تاعى ءبىر ماڭىزدى شارتى. ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس. سول ءۇشىن «جايلى مەكتەپ» ۇلتتىق جوباسى قولعا الىندى. ءبىز 2025 جىلعا دەيىن 800 مىڭ بالانىڭ زاماناۋي مەكتەپتە وقۋىنا جاعداي جاسايمىز. وسىلايشا، اپاتتى جاعدايداعى جانە ءۇش اۋىسىممەن وقيتىن مەكتەپ ماسەلەسىن تولىق شەشەمىز».
سونىمەن قاتار وسى جولعى جولداۋدا ءبىلىم بەرۋ جۇيەسىنىڭ وزەكتى باعىتتارى ايقىندالدى. مەملەكەت باسشىسى ەل دامۋىنىڭ نەگىزگى اسپەكتىلەرىن، ءبىلىم بەرۋ جۇيەسىنىڭ وزەكتى باعىتتارىن ايقىنداپ كورسەتتى. پرەزيدەنت جوعارى سىنىپتاردا جاراتىلىستانۋ-ماتەماتيكالىق باعىتتاعى پاندەر مەن اعىلشىن ءتىلىن وقىتۋدى كۇشەيتۋ قەرەگىنە باسا نازار اۋدارتتى. شىنىندا دا، تۇلەكتەر ۇبت تاپسىرۋ كەزىندە ماتەماتيكا، فيزيكا، حيميا جانە بيولوگيا سياقتى جاراتىلىستانۋ-ماتەماتيكالىق باعىتتاعى پاندەردى تاڭدايدى. سوندىقتان اتالعان پاندەردىڭ وقىتۋ ساپاسىن جاقسارتى ءۇشىن پەداگوگتەردىڭ بىلىكتىلىگىن ارتتىرىپ، مەكتەپتەگىن حيميا، بيولوگيا، فيزيكا كابينەتتەرىن قاجەتتى ماتەريالدىق-تەحنيكالىق جابدىقتارمەن قامتۋ كەرەك.
وعان قوسا، تىلدەردى وقىتۋدى كەزەڭ-كەزەڭىمەن ەنگىزۋ قاعيداسىنا سايكەس 2024 جىلدان باستاپ شەت ءتىلىن وقىتۋ 3-سىنىپتان باستاپ جۇزەگە اسىرىلادى. سونىڭ ارقاسىندا ەلىمىزدىڭ جانە الەمنىڭ جەتەكشى ۋنيۆەرسيتەتتەرىنە تۇسۋگە مۇمكىندىك بولادى. بۇل دەگەنىمىز، ورتا ءبىلىم بەرۋ ساپاسى – تابىستى ۇلتتىڭ قالىپتاسۋىنىڭ ماڭىزدى شارتى. سوندىقتان ەلىمىزدەگى وقۋشىلاردىڭ جان-جاقتى وقىپ، دامۋىنا قولايلى جاعداي جاسالىپ جاتىر.
"ادىرنا" ۇلتتىق پورتالى
