قوستانايداعى ءورت: "قايىرىمدىلىق.KZ" قورىنا 700 ملن تەڭگە جينالدى

1739
Adyrna.kz Telegram

قوستانايداعى ورتتەن زارداپ شەككەندەرگە كومەك كورسەتۋ قورىنا 700 ميلليون تەڭگە ءتۇستى. بۇل تۋرالى قوستاناي وبلىسىنىڭ اكىمى ارحيمەد مۇحامبەتوۆ ءوزىنىڭ ينستاگرام پاراقشاسىندا حابارلادى، دەپ جازادى "ادىرنا" ۇلتتىق پورتالى.

"مەملەكەت باسشىسى قابىلداعان جەدەل شەشىمدەر ناتيجەسىندە تۇرعىن ءۇي قۇرىلىسىنا 2,3 ملرد. تەڭگە قاراجات ءبولىندى. ەلىمىزدىڭ قۇرىلىس كومپانيالارى ۇيلەردىڭ قۇرىلىسىنا كىرىسىپ كەتتى. مەملەكەتپەن قاتار، وتاندىق ءىرى كاسىپورىندار، بانكتەر مەن قايىرىمدىلىق قورلارى دا ورتاق ىسكە ات سالىسىپ، ءوز قاراجاتتارىنا بىرقاتار الەۋمەتتىك نىسانداردىڭ قۇرىلىسىن باستادى. «جۇمىلا كوتەرگەن جۇك جەڭىل» دەگەن. ورتتەن زارداپ شەككەندەرگە قول ۇشىن سوزىپ، گۋمانيتارلىق كومەك جىبەرۋگە ات سالىسقان حالىقتىڭ ىقىلاسىندا شەك جوق. وبلىسىمىزدىڭ عانا ەمەس، قازاقستاننىڭ تۇكپىر-تۇكپىرىنەن ازىق-تۇلىك، كيىم-كەشەك، تۇرمىستىق زاتتار تيەلگەن جۇك كولىكتەرى ءالى كۇنگە اعىلىپ كەلىپ جاتىر. ارنايى اشىلعان «قايىرىمدىلىق.KZ» قورىنا قازىردىڭ وزىندە 700 ملن. تەڭگەدەن ارتىق قاراجات ءتۇستى", - دەپ جازدى قوستاناي وبلىسىنىڭ اكىمى.

"ادىرنا" ۇلتتىق پورتالى 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket