Qostanaidaǧy örtten zardap şekkenderge kömek körsetu qoryna 700 million teŋge tüstı. Būl turaly Qostanai oblysynyŋ äkımı Arhimed Mūhambetov özınıŋ instagram paraqşasynda habarlady, dep jazady "Adyrna" ūlttyq portaly.
"Memleket basşysy qabyldaǧan jedel şeşımder nätijesınde tūrǧyn üi qūrylysyna 2,3 mlrd. teŋge qarajat bölındı. Elımızdıŋ qūrylys kompaniialary üilerdıŋ qūrylysyna kırısıp kettı. Memleketpen qatar, otandyq ırı käsıporyndar, bankter men qaiyrymdylyq qorlary da ortaq ıske at salysyp, öz qarajattaryna bırqatar äleumettık nysandardyŋ qūrylysyn bastady. «Jūmyla kötergen jük jeŋıl» degen. Örtten zardap şekkenderge qol ūşyn sozyp, gumanitarlyq kömek jıberuge at salysqan halyqtyŋ yqylasynda şek joq. Oblysymyzdyŋ ǧana emes, Qazaqstannyŋ tükpır-tükpırınen azyq-tülık, kiım-keşek, tūrmystyq zattar tielgen jük kölıkterı älı künge aǧylyp kelıp jatyr. Arnaiy aşylǧan «Qaiyrymdylyq.KZ» qoryna qazırdıŋ özınde 700 mln. teŋgeden artyq qarajat tüstı", - dep jazdy Qostanai oblysynyŋ äkımı.
"Adyrna" ūlttyq portaly
