بەكبولات تىلەۋحان «استانا» اتاۋىن قايتارۋدى قولداعان دەپۋتاتتاردى سىنعا الدى، دەپ حابارلايدى «ادىرنا» ءتىلشىسى.
بۇكىل جاقسىلىقتىڭ باسىندا بەيبىت كۇن، تىنىشتىق تۇراتىنىن بىلەسىزدەر. وسىنىڭ كەپىلى نازارباەۆ ەدى. قاپيادا جول تاپقان، قاراڭعىدا ەل تاپقان نازارباەۆ ورىستارمەن دە، باسقامەن دە، ءتىپتى قىتايدىڭ ءتىلىن تاۋىپ، شەگارا شەگەندەگەنى ەسىمىزدەن شىعىپ كەتكەنى قالاي؟ استانامىزدىڭ نۇر-سۇلتان دەپ اتالۋى – تاريحي ادىلەتتىلىك، ەلدىڭ ەرەكشە ەڭبەگىنە بەرگەن باعا. نازارباەۆتىڭ كوزىنە قالاي تۇسەرىن بىلمەي جۇرگەن ءبىر-ەكى دەپۋتات كەشە عانا نۇر-سۇلتاننىڭ اتىن جويىپ، الاشتىڭ اياۋلى اقساقالىنىڭ ساعىن سىندىرماققا باستاما كوتەرىپتى. بىراق بۇل بۇكىل قازاقتىڭ كوزقاراسى ەمەس. نازارباەۆتىڭ 30-جىل ەل باسقارىپ جازا باسقان جەرى بار شىعار، الايدا ءبىز كەشىرىمشىل دارحان قازاق ەدىك عوي، تاعى دا قازاقستاننىڭ اتى اۋىسىپ جاتسا بەرەكەسى قاشقان ەل دەيدى ەمەس پە؟ سوندىقتان تاريحي ادىلدىگىنە جۇگىنىپ استانا قالاسىنىڭ اتى نۇر-سۇلتان دەپ اتالدى، سول اتاۋىندا قالاۋى كەرەك»،—دەدى ول.
