Bekbolat Tileýhan «Astana» ataýyn qaıtarýdy qoldaǵan depýtattardy synǵa aldy, dep habarlaıdy «Adyrna» tilshisi.
Búkil jaqsylyqtyń basynda beıbit kún, tynyshtyq turatynyn bilesizder. Osynyń kepili Nazarbaev edi. Qapııada jol tapqan, qarańǵyda el tapqan Nazarbaev orystarmen de, basqamen de, tipti Qytaıdyń tilin taýyp, shegara shegendegeni esimizden shyǵyp ketkeni qalaı? Astanamyzdyń Nur-Sultan dep atalýy – tarıhı ádilettilik, eldiń erekshe eńbegine bergen baǵa. Nazarbaevtyń kózine qalaı túserin bilmeı júrgen bir-eki depýtat keshe ǵana Nur-Sultannyń atyn joıyp, Alashtyń aıaýly aqsaqalynyń saǵyn syndyrmaqqa bastama kóteripti. Biraq bul búkil qazaqtyń kózqarasy emes. Nazarbaevtyń 30-jyl el basqaryp jaza basqan jeri bar shyǵar, alaıda biz keshirimshil darhan qazaq edik ǵoı, taǵy da Qazaqstannyń aty aýysyp jatsa berekesi qashqan el deıdi emes pe? Sondyqtan tarıhı ádildigine júginip Astana qalasynyń aty Nur-Sultan dep ataldy, sol ataýynda qalaýy kerek»,—dedi ol.
