بيىكتىكتەن قۇلاعان بالانىڭ ءومىرى ءۇشىن دارىگەرلەر كۇرەسكەن ەدى، دەپ حابارلايدى «ادىرنا» ءتىلشىسى.
ەسكە سالامىز، قايعىلى وقيعا التىنشى قىركۇيەك كۇنى م.ءجۇسىپ كوشەسى، 270-ۇيدە ورىن العان. اۋىر جاراقات العان ءسابي 11:27 شاماسىندا پاۆلودارداعى بالالار اۋرۋحاناسىنا جەتكىزىلگەن بولاتىن.
پاۆلودار وبلىستىق بالالار اۋرۋحاناسى ديرەكتورىنىڭ مەديتسينا ءبولىمى جونىندەگى ورىنباسارى يرينا ورساگوش:
ء"بۇلدىرشىن ولىم مەن ءومىردىڭ اراسىندا جاتىر. بيىكتىكتەن قۇلديلاعان بالانىڭ باس سۇيەگى زاقىمدانىپ، قان تامىرلارى مەن وكپەسى جىرتىلعان",-دەگەن ەدى.
وكىشىنكە وراي، 7 قىركۇيەك 21:00-دە بالا اۋىر جاراقاتتارىنا بايلانىستى كوز جۇمدى.
پاۆلودار وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ حابارلاۋىنشا، بالانىڭ جۇرەگى توقتاپ قالعان.
