قازاقستاندا بىلىققا باتپاعان سالا قالمادى. بىراق، بىلىعى بەتىنە شىعىپ، جۇرت ءجيى شاعىمدانعان سالا ول-مەديتسينا. مەديتسينامىزدىڭ دەڭگەيىنىڭ قانشالىقتى ەكەنىن پاندەميا كورسەتتى. جۇرت ءدارى تۇرماق بەتكە تاعاتىن ماسكا تاپپاي، مەديتسينانىڭ "ماسكاسى" سىپىرىلعانى دا كەشە عانا.
سودان كەيىن ءبىزدىڭ بىلگىش بيلىك ءمامس دەگەندى ويلاپ تاپتى. ءمامس دەگەنىڭىز- مىندەتتى الەۋمەتتىك مەديتسينالىق ساقتاندىرۋ. جالاقىڭىزدىڭ 3 % سوعان قۇيساڭىز سىزگە تەگىن مەديتسينالىق كومەك كورسەتىلەدى. قۇيماساڭىز دارىگەرگە تەگىن قارالا المايسىز.
اۋرۋحانانىڭ بوساعاسىندا ءولىپ قالساڭىز دا ءمامس-ءسىز قارامايدى. بىراق، حالىقتىڭ 75% وسى ءمامس-كە كوڭىلى تولمايدى. كوڭىلى تولماعاندى قويىپ، وتىرىك اقشا جيناعاندى قىسقارتسىن دەپ جاتىر. سەبەبى، بۇل جەردى مايلى ىشەكشە اينالدارعان ماڭعازدار مايشەلپەككە اينالدىرىپ العان. ءبىزدى تاڭ قالدىرعانى ۇكىمەتباسى ءاليحان سمايىلوۆ قاي جەردە باستىق بولسا سول جەرگە ورىنباسارى بولىپ باراتىن ايدىن اشۋەۆ وسى ءمامس-ءتىڭ ديرەكتورلار كەڭەسىندە ەكەن.(1 سۋرەت)
سمايىلوۆ پەن اشۋەۆتىڭ سوڭعى جىلدارداعى قىزمەت سالاسىن سالىستىرىپ قاراڭىزدار. سمايىلوۆ قايدا بارسا اشۋەۆ تا سوندا بارادى.(ەكىنشى سۋرەت سمايىلوۆتىكى ءۇشىنشى سۋرەت اشۋەۆتىكى).
پرەمەر-مينيستر نەگە ءوزىنىڭ سەنىمدى زامىن جانىنان تاستامايدى دەسەك ءمامس-ءتىڭ جىلدىق بيۋدجەتى 2 تريلليون 300 ميللياردتىڭ ماڭايىندا! (4سۋرەت).
ايتپاقشى، وسى ءمامس-ءتى قاراپ وتىرىپ ديرەكتورلار كەڭەسىنەن جاقسىبەك قۇلەكەەۆتى دە كورىپ قالىپ شالقادان تۇسە جازدادىق.(5 سۋرەت).
مەديتسينالىق ءبىلىمى جوق ادامدار مەديتسينالىق ساقتاندىرۋدىڭ قورىندا نە ىستەپ ءجۇر؟ ءبىز دەنساۋلىعىمىزدى كىمگە سەنىپ تاپسىرىپ ءجۇرمىز؟
سودان كەيىن عوي ءبىزدىڭ ەلدە اقشاسى بارلار تاشكەنت پەن بىشكەككە بارىپ ەمدەلىپ ءجۇر. اقشاسى جوقتار اۋرۋحاناعا ەمەس، ەمشىلەرگە بارىپ ءجۇر.
"ادىرنا" ۇلتتىق پورتالى
