الماتى پوليتسەيلەرى جەزوكشەلىكپەن اينالىسۋعا ارنالعان ءتورت پريتوندى انىقتادى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
پريتونداردىڭ بارلىعى جەكە كوتتەدجدەر سياقتى كورىنگەن. ءبىر قاراعاندا باسقالاردىڭ نازارىن اۋدارمايتىن قاراپايىم ءۇي.
– ءىس جۇزىندە ولاي ەمەس. مۇندا تۇنگى ءومىر قىزۋ ءجۇرىپ جاتىر: وزدەرىن ماسساج شەبەرى رەتىندە تانىستىراتىن قىزدار كليەنتتەرىنە ينتيمدىك قىزمەت كورسەتكەن. وسى رەيدتىڭ ناتيجەسىندە 40 ادام ۇستالدى. ولاردىڭ ارقايسىسىنىڭ جەكە باسى كەز كەلگەن قىلمىسقا نەمەسە قۇقىق بۇزۋشىلىققا قاتىسى بار-جوعى ءبىزدىڭ جازبالارىمىزعا سايكەس تەكسەرىلدى. ولارعا قر اقبك-ءنىڭ 449-بابىنا جانە قر اقبك-ءنىڭ 492-بابىنا سايكەس اكىمشىلىك شارالار قولدانىلدى. ال جەزوكشەلىكپەن اينالىسۋعا ءۇي-جاي ۇسىنعانى ءۇشىن مەكەمە قوجايىندارى قر اقبك-ءنىڭ 450-بابى جاۋاپقا تارتىلدى، – دەيدى مەدەۋ اۋداندىق پوليتسيا باسقارماسىنىڭ باستىعى داۋرەن وتەباەۆ.
سونىمەن قاتار، اۋداندىق ءبولىم باسشىسى دەمالىس كۇندەرى پوليتسيا قىزمەتكەرلەرى ويىن-ساۋىق مەكەمەلەرىندە كاليان شەگۋ دەرەكتەرىن دە تەكسەرگەنىن اتاپ ءوتتى. 57 زاڭ بۇزۋشىلىق انىقتالىپ، قۇقىق بۇزۋشىلارعا اكىمشىلىك حاتتامالار تولتىرىلدى.
