Almaty polıeıleri jezókshelikpen aınalysýǵa arnalǵan tórt prıtondy anyqtady, dep habarlaıdy «Adyrna» tilshisi Polisia.kz-ke silteme jasap.
Prıtondardyń barlyǵy jeke kottedjder sııaqty kóringen. Bir qaraǵanda basqalardyń nazaryn aýdarmaıtyn qarapaıym úı.
– Is júzinde olaı emes. Munda túngi ómir qyzý júrip jatyr: ózderin massaj sheberi retinde tanystyratyn qyzdar klıentterine ıntımdik qyzmet kórsetken. Osy reıdtiń nátıjesinde 40 adam ustaldy. Olardyń árqaısysynyń jeke basy kez kelgen qylmysqa nemese quqyq buzýshylyqqa qatysy bar-joǵy bizdiń jazbalarymyzǵa sáıkes tekserildi. Olarǵa QR ÁQbK-niń 449-babyna jáne QR ÁQbK-niń 492-babyna sáıkes ákimshilik sharalar qoldanyldy. Al jezókshelikpen aınalysýǵa úı-jaı usynǵany úshin mekeme qojaıyndary QR ÁQbK-niń 450-baby jaýapqa tartyldy, – deıdi Medeý aýdandyq Polıııa basqarmasynyń bastyǵy Dáýren Ótebaev.
Sonymen qatar, aýdandyq bólim basshysy demalys kúnderi polıııa qyzmetkerleri oıyn-saýyq mekemelerinde kalıan shegý derekterin de teksergenin atap ótti. 57 zań buzýshylyq anyqtalyp, quqyq buzýshylarǵa ákimshilik hattamalar toltyryldy.
