2022 جىلعى 31 تامىزدا نۇرلان ءابدىروۆتىڭ توراعالىعىمەن اباي، جەتىسۋ جانە ۇلىتاۋ وبلىستارىنان 2022 جىلعى 24 تامىزدا سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ ماسەلەسى بويىنشا ورتالىق سايلاۋ كوميسسياسىنىڭ وتىرىسى ءوتتى.
وتىرىسقا پارلامەنت سەناتىنا سايلانعان دەپۋتاتتار جانە بەينەكونفەرەنتسيا بايلانىسى رەجيمىندە اباي، جەتىسۋ جانە ۇلىتاۋ وبلىستارىنىڭ اۋماقتىق سايلاۋ كوميسسيالارى قاتىستى.
ورتالىق سايلاۋ كوميسسياسىنىڭ توراعاسى نۇرلان ءابدىروۆ وتىرىستى اشا وتىرىپ، «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا سايكەس پارلامەنت دەپۋتاتىنىڭ وكىلەتتىگى ونى ورتالىق سايلاۋ كوميسسياسى پارلامەنت دەپۋتاتى رەتىندە تىركەگەن كەزدەن باستالاتىنىن اتاپ ءوتتى.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا سايكەس ورتالىق سايلاۋ كوميسسياسى پارلامەنتتىڭ سايلانعان دەپۋتاتتارىن تىركەۋدى جۇرگىزەدى، ورتسايلاۋكوم ءاربىر دەپۋتاتقا بەلگىلەگەن ۇلگىدەگى كۋالىك پەن ومىراۋعا تاعاتىن بەلگىنى تابىس ەتەدى.
وسىعان بايلانىستى «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12, 45, 46 جانە 82-باپتارىنا جانە «2022 جىلعى 24 تامىزدا وتكىزىلگەن اباي، جەتىسۋ جانە ۇلىتاۋ وبلىستارىنان قازاقستان رەسپۋبليكاسى پارلامەنتى سەناتىنىڭ دەپۋتاتتارىن سايلاۋدىڭ قورىتىندىلارىن انىقتاۋ جانە جاريالاۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 26 تامىزداعى № 56/526 قاۋلىسىنا سايكەس «2022 جىلعى 24 تامىزدا اباي، جەتىسۋ جانە ۇلىتاۋ وبلىستارىنان سايلانعان قازاقستان رەسپۋبليكاسى پارلامەنتى سەناتىنىڭ دەپۋتاتتارىن تىركەۋ تۋرالى» قاۋلى قابىلداندى.
قاۋلىعا سايكەس قازاقستان رەسپۋبليكاسى پارلامەنتىنىڭ سەناتىنا 6 دەپۋتات تىركەلدى. ونىڭ ىشىندە: 3 دەپۋتات 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەرزىمىنە، 3 دەپۋتات 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە تىركەلدى، ونىڭ ىشىندە:
· اباي وبلىسىنان:
باياحمەتوۆ باقىتجان كاكەنقادجاۇلى، 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەرزىمىنە;
ارعىنبەكوۆا اينۇر سەرىكپايقىزى، 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە;
· جەتىسۋ وبلىسىنان:
تولاميسوۆ امانگەلدى عابدىلكارىمۇلى، 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەرزىمىنە;
سارىباەۆ عالياسقار تولەندىۇلى، 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە;
· ۇلىتاۋ وبلىسىنان:
مەدەباەۆ سوۆەتبەك تۇرسىنۇلى، 2017 جىلعى 28 ماۋسىمدا سايلانعان دەپۋتاتتاردىڭ وكىلەتتىك مەرزىمىنە;
شايداروۆ سەرىك جامانقۇلۇلى، 2020 جىلعى 12 تامىزدا سايلانعان دەپۋتاتتاردىڭ وكىلەتتىك مەرزىمىنە تىركەلدى.
سونداي-اق، ورتالىق سايلاۋ كوميسسياسىنىڭ توراعاسى نۇرلان ءابدىروۆ قازاقستان رەسپۋبليكاسى پارلامەنتى سەناتىنىڭ تىركەلگەن دەپۋتاتتارىنا كۋالىكتەر مەن ومىراۋعا تاعاتىن بەلگىلەرىن تابىس ەتتى.
وتىرىس سوڭىندا نۇرلان ءابدىروۆ سايلانعان دەپۋتاتتارعا رەسپۋبليكانىڭ زاڭ شىعارۋ بيلىگىن جۇزەگە اسىراتىن جوعارى وكىلدى ورگانداعى قىزمەتتەرىنە تابىس جانە جەمىستى جۇمىس تىلەدى.
