جامبىل وبلىسىندا ماس جۇرگىزۋشى ۇستالدى

599
Adyrna.kz Telegram

ماس كۇيىندە كولىك جۇرگىزگەن جاڭاتاس تۇرعىنى 5 جىلعا دەيىن باس بوستاندىعىنان ايىرىلۋى مۇمكىن. جول قاۋىپسىزدىگىن قامتاماسىز ەتۋ ايلىعىن وتكىزۋ كەزىندە جامبىل وبلىسى پوليتسيا دەپارتامەنتىنىڭ قىزمەتكەرلەرى رەسپۋبليكالىق جانە اۋداندىق ماڭىزى بار جولداردى كۇشەيتىلگەن رەجيمدە پاترۋلدەۋدە. سارىسۋ اۋدانىندا ايلىق بارىسىندا نيۆا كولىگىن ماس كۇيىندە باسقارعان جاڭاتاس قالاسىنىڭ 57 جاستاعى تۇرعىنى ۇستالدى.

ول پوليتسيا قىزمەتكەرلەرىنىڭ زاڭدى تالابىنا باعىنباي، جول قوزعالىسى ەرەجەسىن ورەسكەل بۇزا وتىرىپ، قاشىپ كەتۋگە تىرىسقان.

– سونداي-اق، بۇرىن كۇدىكتىنىڭ سوت شەشىمىمەن جۇرگىزۋشى كۋالىگىنەن ايىرىلعانى انىقتالدى. اتالعان دەرەك بويىنشا قر قك-ءنىڭ 346-بابى 1-بولىگى بويىنشا سوتقا دەيىنگى تەرگەۋ امالدارى باستالدى، وعان سايكەس بەس جىلعا دەيىن باس بوستاندىعىنان ايىرۋ جازاسى كوزدەلگەن، – دەدى سارىسۋ اپب باستىعى اسحات المەتوۆ.

“قاۋىپسىز جول” ايلىعى 19 شىلدە مەن 18 تامىز ارالىعىندا وتكىزىلەدى. ايلىق باستالعاننان بەرى سارىسۋ اپب قىزمەتكەرلەرى 943 اكىمشىلىك قۇقىق بۇزۋشىلىقتى انىقتادى، ماس كۇيىندە كولىك قۇرالىن باسقارعان 4 جۇرگىزۋشى ۇستالدى. 28 اۆتوكولىك ايىپ تۇراعىنا قويىلدى.

پىكىرلەر