Mas kúıinde kólik júrgizgen Jańatas turǵyny 5 jylǵa deıin bas bostandyǵynan aıyrylýy múmkin. Jol qaýipsizdigin qamtamasyz etý aılyǵyn ótkizý kezinde Jambyl oblysy Polıııa departamentiniń qyzmetkerleri respýblıkalyq jáne aýdandyq mańyzy bar joldardy kúsheıtilgen rejımde patrýldeýde. Sarysý aýdanynda aılyq barysynda Nıva kóligin mas kúıinde basqarǵan Jańatas qalasynyń 57 jastaǵy turǵyny ustaldy.
Ol polıııa qyzmetkerleriniń zańdy talabyna baǵynbaı, jol qozǵalysy erejesin óreskel buza otyryp, qashyp ketýge tyrysqan.
– Sondaı-aq, buryn kúdiktiniń sot sheshimimen júrgizýshi kýáliginen aıyrylǵany anyqtaldy. Atalǵan derek boıynsha QR QK-niń 346-baby 1-bóligi boıynsha sotqa deıingi tergeý amaldary bastaldy, oǵan sáıkes bes jylǵa deıin bas bostandyǵynan aıyrý jazasy kózdelgen, – dedi Sarysý APB bastyǵy Ashat Almetov.
“Qaýipsiz jol” aılyǵy 19 shilde men 18 tamyz aralyǵynda ótkiziledi. Aılyq bastalǵannan beri Sarysý APB qyzmetkerleri 943 ákimshilik quqyq buzýshylyqty anyqtady, mas kúıinde kólik quralyn basqarǵan 4 júrgizýshi ustaldy. 28 avtokólik aıyp turaǵyna qoıyldy.
