اتباسار اۋدانىنىڭ بۇرىنعى اكىمىنە سوت ۇكىمى شىقتى 2018 جىلعى 5 قىركۇيەك 11:32 94 ءبولىسىڭىز: اتباسار اۋدانىنىڭ بۇرىنعى اكىمىنە سوت ۇكىمى شىقتى كوكشەتاۋ. قازاقپارات - اقمولا وبلىسىندا اتباسار اۋدانىنىڭ بۇرىنعى اكىمى اندرەي نيكيشوۆ پەن ونىڭ سىبايلاستارىنا سوت ۇكىمى شىقتى، دەپ حابارلايدى قازاقپارات ءتىلشىسى وبلىستىق سوتتىڭ ءباسپاسوز قىزمەتىنە سىلتەمە جاساپ. ۇقساس جاڭالىقتار «اقتوبە» فك بۇرىنعى باس ديرەكتورى 700 مىڭ تەڭگە مورالدىق شىعىندى ءوندىردى قىزىلوردادا جالعان دوللار جاساعاندار سوتتالدى پوليتسيا قىزمەتكەرىن بالاعاتتاعان اقتوبەلىك قوعامدىق جۇمىسقا تارتىلدى «سوت ۇكىمىمەن ا.نيكيشوۆ قر قك 189-بابى 4-بولىگىنىڭ 2 بولىمشەسى، 366-بابى 3 بولىگىنىڭ 2,4 بولىمشەلەرى، 58-بابىنىڭ 1,3,5 بولىكتەرى بويىنشا كىنالى دەپ تانىلىپ، 10 جىلعا باس بوستاندىعىنان ايىرىلدى. ول جازاسىن قىلمىستىق -اتقارۋ جۇيەسىنىڭ ورتاشا قاۋىپسىز مەكەمەسىندە وتەيتىن بولادى. سونىمەن قاتار، بۇرىنعى اكىم ءومىربويىنا مەملەكەتتىك قىزمەتتەردە جۇمىس ىستەۋ قۇقىعىنان ايىرىلدى. وعان قوسا، قر قك 49-بابىنىڭ 2-بولىگى بويىنشا قر پرەزيدەنتىنە ا.نيكيشوۆتى مەملەكەتتىك ناگراداسى «قۇرمەت» وردەنىنەن ايىرۋ تۋرالى ۇسىنىس جاسادى»، - دەلىنگەن سوتتىڭ حابارلاماسىندا. سونىمەن قاتار، اتباسار اۋداندىق سوت بۇرىنعى اۋدان اكىمىنىڭ سىبايلاستارى ك.ءالىمجانوۆتى 7 جىلعا، ا.سەركەباەۆتى 8 جىلعا، م.تۇركەستانوۆتى 7 جىلعا باس بوستاندىعىنان ايىرۋ جازاسىن تاعايىنداسا، د.قونىشەۆ 18 ميلليون تەڭگە جانە ر.باپحوەۆ 60 ميلليون تەڭگە كولەمىندە ايىپپۇل تولەۋگە مىندەتتەلدى. ەسكە سالا كەتەيىك، 2017 جىلدىڭ 31 تامىزىندا ا.نيكيشوۆ پەن ا.سەركەباەۆ اتباسار قالاسىنىڭ قازاندىقتارى مەن جىلۋ ماگيسترالدارىن جوندەۋ جۇمىستارىنىڭ قۇجاتتارىنا قول قويۋ جانە وعان اقشا اۋدارۋ ءۇشىن «يشيمستروينۆەست» جشس-ءنىڭ ديرەكتورى باپحوەۆتان 4 ميلليون تەڭگە كولەمىندە پارا الۋ كەزىندە قولعا تۇسكەن بولاتىن، دەپ حابارلايدى inform.kz.
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз