«جاۋىنگەردەن ايىرىلۋ – اۋىر شىعىن»: قورعانىس مينيسترلىگى مالىمدەمە جاسادى

1370
Adyrna.kz Telegram

قورعانىس مينيسترلىگى سوڭعى كەزدەرى ەلىمىزدىڭ كۇشتىك قۇرىلىمدارىندا ورىن العان وزىنە-ءوزى قول جۇمساۋ فاكتىلەرىنىڭ جيىلەۋىنە بايلانىستى مالىمدەمە جاسادى، دەپ حابارلايدى «ادىرنا» ءتىلشىسى.

ۆەدومستۆو باعىنىستىلاردىڭ ءومىرى مەن دەنساۋلىعىنا ۇقك شەكارا قىزمەتى، ءىىم ۇلتتىق ۇلانى، مەملەكەتتىك كۇزەت قىزمەتى جانە توتەنشە جاعدايلار مينيسترلىگىنىڭ دە جاۋاپتى ەكەنىن اتاپ ءوتتى.

«بەيبىت ۋاقىتتا اتالعان كۇشتىك قۇرىلىمدار قارۋلى كۇشتەردىڭ قۇرامىنا كىرمەيدى جانە قورعانىس مينيسترلىگى ولاردىڭ قاۋىپسىزدىگىن باقىلامايدى. وزىنە-ءوزى قول جۇمساۋ سياقتى شاراسىز قادامعا بارۋ ول ادامنىڭ تۋىستارى مەن جاقىندارى ءۇشىن ۇلكەن قايعى. كومانديرلەرگە دە جاۋىنگەردەن ايىرىلۋ اۋىر شىعىن. قارۋلى كۇشتەردە بولعان ءاربىر جاعدايدى اسكەري پوليتسيا قىزمەتكەرلەرى جانە باسقا دا قىلمىستىق قۋدالاۋ ورگاندارى مۇقيات تەكسەرەدى. تەكسەرۋ ناتيجەلەرى وزىنە-ءوزى قول جۇمساۋ كوپ جاعدايدا اسكەري قىزمەت وتكەرۋمەن بايلانىستى ەمەس ەكەنىن كورسەتتى. اسكەرگە شاقىرۋعا دەيىنگى كەزەڭدە اسكەري قىزمەتشىلەردى وسىنداي ارەكەتكە يتەرمەلەيتىن ءار ءتۇرلى ومىرلىك جاعدايلار كەزدەسەتىنىن ەسكەرۋ كەرەك.

قازىرگى ۋاقىتتا قورعانىس مينيسترلىگىنىڭ باستاماسىمەن عىلىم، قۇقىق قورعاۋ ورگاندارى مەن ۇكىمەتتىك ەمەس ۇيىمدار وكىلدەرىنىڭ قاتىسۋىمەن اسكەري ورتادا ورنى تولماس شىعىنداردى بارىنشا ازايتۋعا جانە ءسۋيتسيدتىڭ الدىن الۋعا باعىتتالعان «ءومىردى ساقتا» كەشەندى باعدارلاماسى ازىرلەنىپ جاتىر»،– دەدى مينيسترلىك.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket