Qorǵanys mınıstrligi sońǵy kezderi elimizdiń kúshtik qurylymdarynda oryn alǵan ózine-ózi qol jumsaý faktileriniń jıileýine baılanysty málimdeme jasady, dep habarlaıdy «Adyrna» tilshisi.
Vedomstvo baǵynystylardyń ómiri men densaýlyǵyna UQK Shekara qyzmeti, IIM Ulttyq ulany, Memlekettik kúzet qyzmeti jáne Tótenshe jaǵdaılar mınıstrliginiń de jaýapty ekenin atap ótti.
«Beıbit ýaqytta atalǵan kúshtik qurylymdar Qarýly kúshterdiń quramyna kirmeıdi jáne Qorǵanys mınıstrligi olardyń qaýipsizdigin baqylamaıdy. Ózine-ózi qol jumsaý sııaqty sharasyz qadamǵa barý ol adamnyń týystary men jaqyndary úshin úlken qaıǵy. Komandırlerge de jaýyngerden aıyrylý aýyr shyǵyn. Qarýly kúshterde bolǵan árbir jaǵdaıdy áskerı polıııa qyzmetkerleri jáne basqa da qylmystyq qýdalaý organdary muqııat tekseredi. Tekserý nátıjeleri ózine-ózi qol jumsaý kóp jaǵdaıda áskerı qyzmet ótkerýmen baılanysty emes ekenin kórsetti. Áskerge shaqyrýǵa deıingi kezeńde áskerı qyzmetshilerdi osyndaı áreketke ıtermeleıtin ár túrli ómirlik jaǵdaılar kezdesetinin eskerý kerek.
Qazirgi ýaqytta Qorǵanys mınıstrliginiń bastamasymen ǵylym, quqyq qorǵaý organdary men úkimettik emes uıymdar ókilderiniń qatysýymen áskerı ortada orny tolmas shyǵyndardy barynsha azaıtýǵa jáne sýııdtiń aldyn alýǵa baǵyttalǵan «Ómirdi saqta» keshendi baǵdarlamasy ázirlenip jatyr»,– dedi mınıstrlik.
