بولات نازارباەۆ پەن ونىڭ بۇرىنعى ايەلى مايرا قۇرمانعاليەۆانىڭ ۇستىنەن قىلمىستىق ءىس قوزعالعانى راستالدى. بۇل تۋرالى قازتاگ حابارلادى، دەپ جازادى "ادىرنا" ۇلتتىق پورتالى.
«17 ماۋسىمدا الماتى قالاسى بويىنشا ەكونوميكالىق تەرگەۋ دەپارتامەنتىمەن قر قىلمىستىق كودەكسىنىڭ 249-بابىنىڭ 1-تارماعىمەن («رەيدەرلىك») سوتقا دەيىنگى تەرگەۋ امالدارى جۇرگىزىلىپ جاتىر»، - دەلىنگەن پروكۋراتۋرانىڭ قازتاگ ءتىلشىسىنىڭ ساۋالىنا بەرگەن جاۋابىندا.
ەستەرىڭىزگە سالا كەتەيىك، بۇعان دەيىن 20 ماۋسىمدا بەلگىلى قازاقستاندىق جۋرناليست ميحايل كوزاچكوۆ بولات نازارباەۆ پەن ونىڭ بۇرىنعى ايەلى مايرا قۇرمانعاليەۆاعا قاتىستى «رەيدەرلىك» بابى بويىنشا قىلمىستىق ءىس قوزعالعانىن حابارلاعان بولاتىن.
"ادىرنا" ۇلتتىق پورتالى
