بۇل – رەسپۋبليكا بويىنشا بىرەگەي، ال پاۆلودار وبلىسىندا العاش ۇيىمداستىرىلعان «SHEKSIZ» اتتى زاماناۋي ونەر فەستيۆالىنە قاتىسقان جاستاردىڭ سۇراۋى. جوبا رەپ، بيت-بوكس، Hip-Hop, DJ-لىك سياقتى بىرقاتار ونەر تۇرلەرىن سەرىك ەتكەن جاستارعا شىعارماشىلىعىن دامىتۋعا مۇمكىندىك تۋدىرىپ قانا قويماي، سالاعا قاتىستى ماسەلەلەردى انىقتاۋعا دا جول اشتى.
پاۆلودار وبلىستىق «شاڭىراق» حالىق شىعارماشىلىعى ورتالىعىنىڭ ۇيىمداستىرۋىمەن بۇرىن-سوڭدى بولماعان «Sheksiz» اتتى زاماناۋي ونەر فەستيۆالى ۇيىمداستىرىلدى. شارا اقسۋ قالاسىندا جەرگىلىكتى اكىمدىكتىڭ قولداۋىمەن ءوتتى. ۇيىمداستىرۋشىلاردىڭ ايتۋىنشا، بۇل دا تەكتەن-تەك ەمەس. اقسۋ – قازاقستان تاريحىندا العاش گرەممي سىيلىعىن جەڭىپ العان، الەمگە ايگىلى يمانبەكتىڭ تۋىپ، وسكەن مەكەنى.
«جالپى «ەرتىس-بايان ءوڭىرى – زاماناۋي ونەردىڭ ورتالىعىدەسەك، ارتىق ايتقاندىق ەمەس. ايماعىمىزدا الەمگە ايگىلى DJ يمانبەك، سكريپتونيت، ترۋۆەر سياقتى ونەر يەلەرى دۇنيەگە كەلگەن. سوندىقتان بولسا كەرەك، جاستار قاۋىمىنىڭ بۇل باعىتتارعا دەگەن قىزىعۋشىلىعى زور. تەك، وكىنىشكە قاراي، كوپ جاعدايدا نازاردان تىس قالىپ قويا بەرەدى. وسى ولقىلىقتىڭ ورىنىن تولتىرۋ ماقساتىندا «Sheksiz»فەستيۆالىن ۇيىمداستىرۋدى قولعا الدىق. شاراعا 300-دەن استام قاتىسۋشى تىركەلدى»، - دەيدى وبلىستىق «شاڭىراق» حالىق شىعارماشىلىعى ورتالىعى باسشىسىنىڭ مىندەتىن اتقارۋشى زاميرا سولتانوۆا.
«Sheksiz» فەستيۆالىنىڭ باستى ماقساتى – وڭىردە ونەردىڭ زاماناۋي باعىتتارىن دامىتۋ، جاڭا تالانتتاردى انىقتاۋ، ونەردىڭ ءتۇرلى جانرىندا شىعارماشىلىق جولىن جاڭادان باستاعان جاستاردى قولداۋ، ايماعىمىزدىڭ تۋمالارى بولىپ تابىلاتىن تانىمال ارتıستەر مەن جاس بۋىن ونەرپازداردىڭ اراسىندا بايلانىس ورناتىپ، تاجىريبە الماسۋعا مۇمكىندىك جاساۋ، زاماناۋي ونەردىڭ بۇگىنگى كۇنگى الەۋمەتتىك پروبلەمالارىن شەشۋدەگى ۇلەسىن ايقىنداۋ.
جوبا زاماناۋي ونەر سالاسىنىڭ ەتنو-فيۋجن، حيپ-حوپ (رەپ ونەرى), DJ, زاماناۋي بي, بيتبوكس, گراففيتي, موبيلوگرافيا,سكەيتبورد سياقتى نەگıزگى 8 باعىتتى قامتىدى.
اقسۋ قالاسىنىڭ مەملەكەتتىك رامىزدەر ساياباعىندا بءىر نەگىزگى جانە جانرلار بويىنشا 5 شاعىن ساحنا ورناتىلادى. ءىس-شارا باعدارلاماسىنا جوعارىدا اتالعان جانرلار بويىنشا كاسىبي مامانداردىڭ شەبەرلىك ساباقتارى ۇيىمداستىرىلدى. سونداي-اق، «زاماناۋي ونەردىڭ قازىرگى قوعام ماسەلەلەرىنە اسەرى» تاقىرىبىندا «ويتالقى» وتكىزءىلدى. ونىڭ بارىسىندا جوباعا قاتىسۋشى شىعارماشىل جاستار پاۆلودار وبلىسى اكىمىنىڭ ورىنباسارى ايزادا قۇرمانوۆا باستاعان جاۋاپتى مەملەكەتتىك ورگانداردىڭ باسشىلارىمەن جۇزدەسىپ، زاماناۋي ونەردى دامىتۋدىڭ ماسەلەلەرىن تالقىعا سالدى. جيىن بارىسىندا جاس ونەرپازدار سالاعا قاتىستى ۇسىنىس، تىلەكتەرىن ايتتى. سونىڭ ىشىندە، پاۆلودار وبلىسىندا زاماناۋي ونەر مەكتەبىن اشىپ، دامىتۋ ماسەلەسى ءسوز بولدى.
فەستيۆال قاتىسۋشىلارى مۇنداي شارالاردىڭ جاستار شىعارماشىلىعىن دامىتۋدا اۋاداي قاجەت ەكەنىن باسا ايتتى.
«بۇگىن ءبىز ءۇشىن مەرەكە. وبلىسىمىزدا مۇنداي شارالار بۇرىن سوڭدى بولماعان ەدى. ءوز قازانىمىزدا ءوزىمىز قايناپ جۇرەتىنبىز. زاماناۋي ونەردى سەرىك ەتكەن جاستارعا شىعارماشىلىعىن شىڭداپ، دامىتاتىن الاڭدار جوقتىڭ قاسى. سوندىقتان مۇنداي فەستيۆالدىڭ ۇيىمداستىرىلۋى قۋانتادى. بۇل باستاماسى دەپ ويلايمىن»، - دەيدى جاس رەپەر امان تويلان.
فەستيۆال اۋقىمدى كونتسەرتپەن قورىتىندىلانادى. ونداءار جانر بويىنشا ۇزدىك تانىلعان جوبا قاتىسۋشىلارى ونەر كورسەتتى. فەستيۆال قوناقتارى، ياعني حەدلاينەرلەرى «كاناي»جانە «كاليفارنيا» بولدى.
“ادىرنا” ۇلتتىق پورتالى
