قاڭتاردا پوليتسەيلەردىڭ ازاپتاۋىنان 6 ادام كوز جۇمدى - باس پروكۋراتۋرا

606

قاڭتاردا پوليتسەيلەردىڭ ازاپتاۋىنان 6 ادام قازا تاپتى. بۇل تۋرالى باس پروكۋراتۋرانىڭ قىلمىستىق قۋدالاۋ قىزمەتى باستىعىنىڭ ورىنباسارى ەلدوس قيلىمجانوۆ قر پرەزيدەنتى جانىنداعى وكق-دا وتكەن بريفينگتە حابارلادى، دەپ جازادى "ادىرنا" ۇلتتىق پورتالى. 

"قۇقىق قورعاۋ قىزمەتكەرلەرىنىڭ رۇقسات ەتىلمەگەن جاۋاپ الۋ ادىستەرىن قولدانۋ سالدارىنان جاپپاي تارتىپسىزدىكتەرگە قاتىسۋ بويىنشا كۇدىكتى 6 ادام قازا بولعانى تەرگەۋمەن انىقتالدى. بۇل فاكتىلەردىڭ بارلىعى ارنايى پروكۋرورلارمەن جان-جاقتى تەرگەلۋدە، 15 قۇرىلىمدىق كۇش قىزمەتكەرلەرى كۇدىكتى رەتىندە تانىلدى، ولارعا ءتۇرلى بۇلتارتپاۋ شارالارى تاڭدالدى", - دەدى ەلدوس قيلىمجانوۆ.

سونىمەن بىرگە، تالدىقورعان قالاسىنداعى بلوكپوستاردا جانە اسكەري ءبولىمنىڭ جانىندا، سونداي-اق الماتى قالاسىنداعى الاڭدا جەكەلەگەن ازاماتتاردىڭ قازا بولۋىنا اكەپ سوققان، ءوز وكىلەتتىكتەرىن اسىرا پايدالانعانى ءۇشىن بىرقاتار اسكەري قىزمەتكەرلەر قىلمىستىق جاۋاپتىلىققا تارتىلۋدا.

"جوعارىدا اتاپ وتكەنىمدەي، بۇل پروتسەسستىڭ قيىندىعىن جانە تەرگەۋدىڭ اۋقىمدىلىعىن ەسكەرە وتىرىپ، قالعان ادامداردىڭ قازا بولۋ ءمان-جايلارى جانە ولاردىڭ ولىمىنە كىنالى ادامداردى انىقتاۋ جۇرگىزىلىپ جاتقان تەرگەپ-تەكسەرۋلەردىڭ اياسىندا جۇرۋدە",- دەدى ول.

"ادىرنا" ۇلتتىق پورتالى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket